Дар Академияи ВКД оид ба масъалаи мубориза бо ҷинояткорӣ конференсияи байналмилалии онлайн доир шуд
ДУШАНБЕ, 31.01.2022 /АМИТ «Ховар»/. Дар ҷодаи ҳамкории дутарафа ва мувофиқи Созишнома оид ба ҳамкорӣ дар соҳаи маориф ва фаъолияти илмие, ки 1 августи соли 2016 миёни Академияи ВКД Тоҷикистон ва Академияи ВКД Ҷумҳурии Беларус ба имзо расида буд, 28 январ дар мавзӯи «Масъалаҳои мубориза бо ҷинояткорӣ ва тайёр намудани кадрҳо барои мақомоти ҳифзи ҳуқуқ» дар режими онлайн конференсияи илмӣ-амалии байналмилалӣ баргузор гардид.
Тавре аз шуъбаи ташкилӣ-илмӣ ва табъу нашри Академияи ВКД ба АМИТ «Ховар» хабар доданд, масъалаи мазкур дар Академияи ВКД мавриди омӯзиш қарор ёфта, дар мавзӯи илмӣ таҳти унвони «Проблемаҳои амалия ва назарияи модернизатсияи фаъолияти ҳимояи ҳуқуқ ва ҳифзи ҳуқуқ дар Ҷумҳурии Тоҷикистон», ки аз буҷаи давлатӣ маблағгузорӣ мешавад, таҳқиқоти илмӣ гузаронида мешавад.
Дар ҳамоиш муовини сардори Академияи ВКД Ҷумҳурии Тоҷикистон, номзади илмҳои ҳуқуқшиносӣ, полковники милитсия Пулод Насуриён, муовини сардори Академияи ВКД Ҷумҳурии Узбекистон оид ба илм ва инноватсия, доктори фалсафа, дотсент Руфтулло Нигматов, муовини сардори Донишгоҳи амнияти ҷамъиятии Ҷумҳурии Узбекистон, дотсент Алберт Давлитов сухан гуфтанд.
Анҷумани илмиро муовини сардори Академияи ВКД Беларус оид ба корҳои илмӣ, номзади илмҳои ҳуқуқ, дотсент, полковники милитсия Павел Гридюшко ифтитоҳ намуд.
Ҳамчунин дар ҷараёни конференсия проблемаҳои мубрам оид ба тайёр намудани мутахассисони баландихтисос барои мақомоти корҳои дохилӣ, равишҳои нав дар фаъолияти маъмурӣ, масъалаҳои муҳоҷират ва ғайра ки аз тарафи намояндагони муассисаҳои таълимии олии системаи ВКД/политсияи ҷумҳурияҳои Беларус, Озарбойҷон, Русия ва Узбекистон пешниҳод шуда буданд, баррасӣ гардиданд.
АКС: Академияи ВКД
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
