Дар Душанбе ғолибони олимпиадаҳои байналмилалӣ қадрдонӣ гардиданд

Январь 6, 2022 09:35

ДУШАНБЕ, 06.01.2022/АМИТ «Ховар»/. Дирӯз, 5 январ дар толори Донишгоҳи техникии Тоҷикистон ба номи академик М.Осимӣ ғолибони олимпиадаҳои байналмилалӣ қадрдонӣ шуданд. Дар ин бора сардори Маркази матбуоти Вазорати маориф ва илми ҶТ Эҳсони Хушбахт ба АМИТ «Ховар» иттилоъ дод.

Аз ҷумла, Муҳаммад Баротов-хонандаи синфи 11 Литсей барои хонандагони болаёқат дар шаҳри Душанбе барои ишғоли ҷойи дуюм дар байни 83 давлат дар Олимпиадаи умумиҷаҳонии “ICho-2021” аз фанни химия, Шаҳзод Назиров-хонандаи синфи 11 Литсей барои хонандагони болаёқат дар шаҳри Душанбе барои ишғоли ҷойи дуюм дар байни 83 давлат дар Олимпиадаи умумиҷаҳонии “ICho-2021” аз фанни химия, Муҳаммадҷон Ҳокимиён-хонандаи синфи 11 Литсей барои хонандагони болаёқат дар шаҳри Душанбе барои ишғоли ҷойи дуюм дар байни 109 давлат дар Олимпиадаи умумиҷаҳонии “IOI-2021” аз фанни технологияи иттилоотӣ, Шамс Давлатбеков-хонандаи синфи 11 Литсей барои хонандагони болаёқат дар шаҳри Душанбе барои ишғоли ҷойи дуюм дар байни 77 давлат дар Олимпиадаи умумиҷаҳонии “IBO-2021” аз фанни биология, Вазирҷон Пиров-хонандаи синфи 11 филиали Литсей-интернати тоҷикӣ-русии “Ҳотам ва ПВ” дар шаҳри Ҳисор барои ишғоли ҷойи сеюм дар байни 121 давлат дар Олимпиадаи умумиҷаҳонии “IMO-2021” аз фанни математика, Ҷамшед Рустамов-хонандаи синфи 11 филиали Литсей-интернати тоҷикӣ-русии “Ҳотам ва ПВ” дар шаҳри Ҳисор барои ишғоли ҷойи сеюм дар байни 121 давлат дар Олимпиадаи умумиҷаҳонии “IMO-2021” аз фанни математика ва Усмоналӣ Паҳлавонов-хонандаи синфи 11 филиали Литсей-интернати тоҷикӣ-русии “Ҳотам ва ПВ” дар шаҳри Ҳисор барои ишғоли ҷойи сеюм дар байни 121 давлат дар Олимпиадаи умумиҷаҳонии “IMO-2021” аз фанни математика бо “Ифтихорнома”-и Вазорати маориф ва илм ва маблағи пулӣ қадрдонӣ шуданд.

Бояд  тазаккур дод, ки хонандагони мазкур – Шаҳзод Назиров дар панҷ соли охир дар 4 олимпиадаи умумиҷаҳонию байналмилалӣ аз фанни химия иштирок намуда, сазовори 1 медали тилло, 3 медали нуқра ва 1 медали биринҷӣ, Муҳаммадҷон Ҳокимиён дар 6 олимпиадаи умумиҷаҳонию байналмилалӣ аз фанни технологияи иттилоотӣ иштирок намуда, сазовори 3 медали нуқра ва 3 медали биринҷӣ, Шамс Давлатбеков дар панҷ соли охир дар 6 олимпиадаи умумиҷаҳонию байналмилалӣ аз фанни биология иштирок намуда, сазовори 4 медали тилло ва 2 медали биринҷӣ, Вазирҷон Пиров дар панҷ соли охир дар 9 олимпиадаи умумиҷаҳонию байналмилалӣ аз фанни математика иштирок намуда, сазовори 3 медали тилло, 1 медали нуқра ва 5 медали биринҷӣ, Ҷамшед Рустамов дар панҷ соли охир дар 10 олимпиадаи умумиҷаҳонию байналмилалӣ аз фанни математика иштирок намуда, сазовори 2 медали тилло, 2 медали нуқра ва 6 медали биринҷӣ ва Усмоналӣ Паҳлавонов дар панҷ соли охир дар 10 олимпиадаи умумиҷаҳонию байналмилалӣ аз фанни математика иштирок намуда, сазовори 1 медали тилло, 4 медали нуқра ва 5 медали биринҷӣ гардидаанд.

Инчунин, ба роҳбарияти Литсей барои хонандагони болаёқат дар шаҳри Душанбе, филиалаи Литсей-интернати тоҷикӣ-русии “Ҳотам ва ПВ”, Мактаби Президентӣ барои хонандагони болаёқат дар ноҳияи Данғара, Литсей-интернати Президентӣ барои кӯдакони болаёқати Ҷумҳурии Тоҷикистон дар шаҳри Душанбе, Мактаби Президентӣ барои хонандагони болаёқат дар шаҳри Кӯлоб барои фаъолияти пурмаҳсул дар соҳаи илму маориф, таълиму тарбияи насли наврас, рушди ҳаракати олимпӣ ва ишғол намудани ҷойҳои сазовор дар олимпиадаҳои ҷумҳуриявию байналмилалӣ бо “Сипоснома” ва маблағи пулӣ қадрдонӣ шуданд.

Туҳфаҳоро Вазири маориф ва илми Ҷумҳурии Тоҷикистон Муҳаммадюсуф Имомзода дар фазои тантанавӣ ба ғолибони олимпиадаҳо ва роҳбарияти муассисаҳои таълимӣ тақдим намуд.

                        АКС: маркази матбуоти Вазорати маориф ва илми ҶТ

Январь 6, 2022 09:35

Хабарҳои дигари ин бахш

Дар Донишгоҳи давлатии Хоруғ бахшида ба 30-солагии таъсиси он озмун оғоз гардид
«Душанбе. Шаҳре, ки шукӯҳи давлат ва симои миллатро таҷассум мекунад», — шарҳи матбуоти даврии Тоҷикистон
Филми кӯтоҳи «Этюд» дар Фестивали 45-уми байналмилалии Гризлони Олмон иштирок мекунад
«БАҲОРИ ТОШКАНД». Фестивали VI байналмилалии опера ва балет чунин унвон гирифтааст
Даври аввали Озмуни ҷумҳуриявии «Тоҷикистон-Ватани азизи ман» ҷараён дорад
Тоҷикистон узви Маркази байналмилалии тадқиқотӣ оид ба ҳифз ва барқарорсозии мероси фарҳангӣ гардид
ТАВЗЕҲИ ПАЁМИ ПЕШВОИ МИЛЛАТ. Ба аъзои ташкилоти ибтидоии ҳизбии «Эҷод»-и АМИТ «Ховар» нуктаҳои ин ҳуҷҷати стратегӣ шарҳ дода шуданд
Чор рассоми навраси тоҷик дар Форуми байналмилалии аниматсия дар Тошканд иштирок мекунанд
Мазҳакаи «Табиби паррон»-и Театри мусиқӣ-мазҳакавии шаҳри Хуҷанд соҳиби ду ҷоизаи байналмилалӣ гардид
ИМРӮЗ — РӮЗИ БАЙНАЛМИЛАЛИИ ҲИФЗ ВА НИГОҲДОРИИ ЁДГОРИҲО ВА ҶОЙҲОИ ТАЪРИХӢ. Ҳадафи он ҷалби ҷомеаи ҷаҳон ба ҳифзи мероси умумибашарист
УСТОД САДРИДДИН АЙНӢ- ЧЕҲРАИ ТОБНОКИ ТАМАДДУНИ ШАРҚ. Имрӯз ба зодрӯзи намои адабиёти миллати тоҷик 144 сол пур шуд
«ТОҶИКИСТОНИ ОЗОДИ МАН…». Имрӯз ба зодрӯзи муаллифи оҳанги Суруди миллии Тоҷикистон Сулаймон Юдаков расо 106 сол пур мешавад