Дар Хатлон беш аз 55 фоизи аҳолӣ вояи дуввуми ваксина гирифтаанд
ДУШАНБЕ, 17.01.2022 /АМИТ «Ховар»/. То 10 январ дар вилояти Хатлон 1 миллиону 472 ҳазору 497 нафар, яъне 72 фоизи шаҳрвандон ба ваксинатсия зидди бемории коронавируси COVID-19 фаро гирифта шуданд. Инчунин вояи дуюми ваксинаро 1 миллиону 139 ҳазору 491 нафар- баробар ба 55,7 фоизи шаҳрвандони синнашон аз 18 боло гирифтанд, иттилоъ доданд ба АМИТ «Ховар» аз шуъбаи иттилоотию таҳлилии дастгоҳи раиси вилояти Хатлон.
То санаи зикргардида ба вилоят 3 миллиону 466 ҳазору 569 вояи ваксина ворид шудааст.
Дар вилоят корҳои фаҳмондадиҳӣ оид ба риояи реҷаи ниқоб дар ҷойҳои ҷамъиятӣ, безараргардонии дастҳо, гигиенаи ҷамъиятӣ ва шахсӣ, гузаронидани муоинаи тиббӣ ҳангоми воридшавӣ ба ҷумҳурӣ ва даст назадан ба худмуолиҷакунӣ гузаронида мешаванд.
Ваксинаҳои истифодашаванда дар ширкатҳои бонуфузи ҷаҳонӣ бо истифодаи технологияи навтарин истеҳсол шуда, кафолати бехатарии онҳо таъмин аст.
Он ҳолатҳои нороҳаткунандае, ки баъди тазриқи ваксина сар мезананд, дар доираи меъёри «бархӯрди иммуниологӣ» дар бадан ҷой дошта, дар натиҷаи он муқовимат бар зидди сирояти коронавирус ҳосил мегардад. Ҳолатҳои номатлуби баъди тазриқ ба вуқӯъ омада — дардмандӣ дар ҷои тазриқ, дарди сар, дарди мушакҳо, бетоқатӣ, дилбеҳузурӣ, баландшавии ҳарорати бадан дараҷаи сабук, миёна ва кӯтоҳ муваққатӣ буда, давомнокиашон 2-3 шабонарӯзро ташкил медиҳад. То ҳол баъди эмгузаронӣ ҳолатҳои номатлуби вазнин ба қайд гирифта нашудаанд.
Аз ин лиҳоз шаҳрвандонро мебояд, ки ба ҳар гуна овозаҳои ҳангомаҷӯёна, ки боиси ваҳмангезию нигаронӣ аз натиҷаи тазриқи ваксина гашта, ҳолатҳои нороҳатиро вазнин мегардонанд, бовар накарда, аз кафолати сифату самаранокии эмгузаронӣ ба шубҳа наафтанд.
АКС аз манбаъҳои боз
Директори Агентии «Тоҷикстандарт»: Садоқат ба Президент, садоқат ба Ватан аст!
ПЕШВОИ РАЪИЯТПАРВАРИ МИЛЛАТ. Эҳдо ба Рӯзи Президенти Ҷумҳурии Тоҷикистон
ПАДИДАИ ПЕШВО ДАР ТОҶИКИСТОН-АКСИ САДОИ ТАЪРИХ БА НИЁЗҲОИ СИЁСИИ МИЛЛАТИ ТОҶИК. Ба Рӯзи Президенти Тоҷикистон бахшида мешавад
Эмомалӣ Раҳмон -таҳкимбахши Истиқлолияти давлатӣ ва Пешвои ваҳдатофар
Дар Осорхонаи миллӣ ба ифтихори Рӯзи Президент Рӯзи дарҳои кушод гузаронида мешавад
ҲАР РӮЗИ ФАЪОЛИЯТИ ЭМОМАЛӢ РАҲМОН ТАЪРИХСОЗИСТ. Андешаҳои академик Фарҳод Раҳимӣ бахшида ба Рӯзи Президенти Ҷумҳурии Тоҷикистон
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
