Дар Хуҷанд корхонаи муштараки истеҳсоли лифтҳо бунёд мешавад

Январь 25, 2022 09:37

ДУШАНБЕ, 25.01.2022 /АМИТ «Ховар»/. Раиси шаҳри Хуҷанд Фирдавс Шарифзода 24 январ бо намояндагони ширкати «Могилевлифтмаш»-и Беларус  вохӯрӣ намуд, ки зимни он ҷонибҳо ба мувофиқа расиданд, то дар зудтарин фурсат бо ҷалби гурӯҳҳои корӣ дар шаҳри Хуҷанд ба таъсиси корхонаи муштараки истеҳсоли лифтҳо оғоз намоянд, хабар медиҳад АМИТ «Ховар» бо истинод ба мақомоти иҷроияи ҳокимияти давлатии шаҳр.

Зимни мулоқот бо намояндагони ширкат Раиси шаҳри Хуҷанд Фирдавс Шарифзода зикр намуд, ки бо шарофати саъю талошҳои Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Беларус муҳтарам Александр Лукашенко муносибатҳои ду мамлакат тайи солҳои охир ба сатҳи сифатан нав бароварда шуданд. Намунаи олии он ҳамкории судманд дар чорчӯбаи шарикии босамар миёни бародаршаҳрҳо- Хуҷанд ва Могилёв эҳсос мешавад.

Сардори бюрои фурӯши ширкати беларусии «Могилевлифтмаш» Александр Сорокин зимни суҳбат иброз дошт, ки ҳадаф аз сафари намояндагони ширкат -ин ба роҳ мондани ҳамкорӣ ва ташаккули фаъолияти судманди тарафайн мебошад. «Могилевлифтмаш» омода аст, ки корхонаву ташкилот ва аҳолии шаҳри Хуҷандро бо лифтҳои замонавӣ таъмин намояд. Ширкат таҷрибаи зиёди истеҳсолиро дар ин самт доро буда, асосан лифтҳои  борбардорӣ, боркашонӣ барои хонаҳои баландошёна ва  барои беморхонаю коттеҷҳо бо зиёда аз 180 моделро истеҳсол менамояд. Иқтидори борбардорию боркашонии лифтҳо аз 100 кило то 6 ҳазору 300 кило мебошад.

Дар ин ширкат инчунин лифтҳо барои шахсони маъюб, эскалатору траволаторҳо, борбардорҳои сохтмонӣ ва резакунакҳо (молчерҳо), молҳои сермасриф истеҳсол карда мешаванд. Ширкат омода аст, ки дилхоҳ шакли ҳамкориро қабул намояд.

Раиси шаҳри Хуҷанд омодагии мақомоти шаҳрдориро ҷиҳати ба роҳ мондани корхонаи муштараки васлу насб ва истеҳсоли лифтҳо изҳор дошта, таъкид намуд, ки он имкон медиҳад талаботи сокинони аҳолии хонаҳои баландошёна ва идораву корхонаҳо таъмин гардад. Ҷонибҳо ҳамзамон барои қонеъ намудани талаботи дигар шаҳру навоҳии мамлакат низ сайъ менамоянд.

Сипас, намояндагони ширкати беларусии «Могилевлифтмаш» бо имконоти майдони истеҳсолии «Хуҷандторгмаш» аз наздик шинос шуда, бо роҳбарияти он доир ба иқтидори корхона ва дастгоҳу таҷҳизоти он суҳбати озоду ошкоро намуданд.

АКС: мақомоти иҷроияи ҳокимияти давлатии шаҳри Хуҷанд

Январь 25, 2022 09:37

Хабарҳои дигари ин бахш

Дар Суғд оид ба муаррифии имконоти сармоягузории минтақа форуми тиҷоратӣ баргузор шуд
Истеҳсоли неруи барқ дар Бадахшон қариб 5 баробар афзоиш ёфтааст
Тоҷикистон ва WIPO ҳамкориро дар соҳаи рушди инноватсия тақвият медиҳанд
Хайринисо Идрисова: «Дастрасӣ ба маблағи гранти президентӣ имкон дод, ки фаъолияти ҳунармандиямро васеъ намоям»
Панҷакент — яке аз аввалин шаҳрҳои Тоҷикистон, ки дар солҳои соҳибистиқлолӣ аз шаҳри аграрӣ ба саноативу аграрӣ табдил ёфт
Дар Душанбе оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 баррасӣ гардид
Дастовардҳои Тоҷикистон дар Форуми иқтисоди рақамии Созмони ҳамкории Шанхай-2025 муаррифӣ гардид
Дар ноҳияи Данғара корхонаи истеҳсоли маҳсулоти саноатӣ сохта мешавад
Имсол дар Бадахшон 45 корхонаву коргоҳҳои саноатӣ ба фаъолият оғоз намуд
Ҳайати Тоҷикистон дар ҷаласаи маҳдуди сатҳи вазирони иқтисоди СҲШ дар Чин иштирок намуд
Иттиҳоди Аврупо дар Тоҷикистон лоиҳаҳои соҳаи энергетикаро амалӣ менамояд
Дар Вазорати рушди иқтисод ва савдои Тоҷикистон татбиқи ташаббуси ҷаҳонии «Global Gateway» баррасӣ гардид