Дар Левакант оид ба иҷрои Қонун «Дар бораи масъулияти падару модар дар таълиму тарбияи фарзанд» рейд гузарониданд

ДУШАНБЕ, 21.01.2022 /АМИТ «Ховар»/. Имрӯз гурӯҳи кории Мақомоти иҷроияи ҳокимияти давлатии вилояти Хатлон   дар якҷоягӣ бо гурӯҳи кории Мақомоти иҷроияи ҳокимияти давлатии шаҳри Левакант, ки ба ин ҳайати котиби Комиссия оид ба ҳуқуқи кӯдак, намояндаи ШВКД дар шаҳр дар самти ноболиғон, намояндагони бахшҳои кор бо занон ва оила, маориф, кор бо ҷавонон ва варзиш, дин, танзими анъана ва ҷашну маросим шомил гардидаанд, дар шаҳри Левакант рейди муштарак гузарониданд.

Тавре аз Кумитаи кор бо занон ва оилаи назди Ҳукумати Ҷумҳурии Тоҷикистон ба АМИТ “Ховар” иттилоъ доданд, рейди мазкур вобаста ба иҷрои талаботи Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд», пешгирӣ намудани ҳолатҳои ба ҷинояту қонуншиканӣ даст задан, оворагардию шабгардӣ, пешгирии бемории коронавирус дар бозори марказии шаҳр, марказҳои дилхушӣ, марказҳои бозиҳои компютерӣ, дӯконҳои фурӯши фитта ва мағозаҳо  гузаронида шуд.

Зимни гузаронидани рейд аз ҷониби гурӯҳҳои корӣ бо ноболиғон, занон ва ҷавонон ҷиҳати пешгирии ҳамаи омилҳои номатлуб маслиҳатҳои муфид дода шуда, намояндагони сохторҳо шаҳрвандонро даъват намуданд, ки бетарафиро ихтиёр накарда, моҳият ва уҳдадории  тамоми қонунҳои амалкунандаи Ҷумҳурии Тоҷикистонро хуб дарк намуда, аз рӯи онҳо амал намоянд.

АКСҲО: Кумитаи кор бо занон ва оилаи назди ҲҶТ