Дар ноҳияи Фирдавсии шаҳри Душанбе марказҳои хизматрасонӣ ба истифода дода шуданд
ДУШАНБЕ, 4.01.2022. /АМИТ «Ховар»/. Дар рӯзҳои аввали соли нави мелодӣ бо ташаббуси мақомоти иҷроияи ҳокимияти давлатии шаҳри Душанбе дар ноҳияи Фирдавсии пойтахт якчанд иншоот ба истифода супорида шуданд, ки ба таъмини ҷойҳои нави корӣ мусоидат менамоянд, иттилоъ доданд аз шуъбаи иттилоотии дастгоҳи Раиси шаҳри Душанбе.
Аз ҷумла, роҳбарият ва намояндагони мақомоти иҷроияи ҳокимияти давлатии шаҳри Душанбе ва ноҳияи Фирдавсӣ бинои маркази маъмурӣ ва хизматрасонии 9-ошёна, воқеъ дар кӯчаи Неъмат Қарабоев, 48 а-и ноҳияи Фирдавсиро мавриди истифода қарор доданд. Фармоишгар ва пудратчии иншоот ҶДММ «Хако Интер Прайз» буда, дар ошёнаи якуми бино толори фурӯши мошинҳои Шкода ҷойгир карда шудааст. Мошинҳои ин толор бо нархи дастрас аз Федератсияи Русия ворид карда мешаванд.
Ҳамчунин бинои истиқоматии баландошёнаи бисёрҳуҷрадор, воқеъ дар кӯчаи Неъмат Қарабоев мавриди баҳрабардорӣ қарор гирифт. Бино масоҳати 17600 метри мураббаъро дар бар гирифта, фармоишгар ва пудратчии иншоот ҶДММ «Закия» маҳсуб меёбад. Иншооти мазкур дар доираи нишондоди лоиҳаи он бунёд шуда, дар бунёди он масолеҳи босифати сохтмонӣ истифода шудааст.
Ин биноҳои истиқоматӣ дар доираи тадбирҳои созанда ва бунёдкоронаи роҳбарияти мақомоти иҷроияи ҳокимияти давлатии шаҳри Душанбе ва ба хотири фароҳам овардани шароити мусоиди истиқомат баҳри сокинон бунёд шудаанд.
Дар кӯчаи соҳилии ноҳияи Фирдавсӣ низ аз ҷониби ҶДММ «Нури Шамс» бинои бисёрошёна бунёд шудааст. Масоҳати умумии бино 28 ҳазору 500 метри мураббаъро дар бар гирифта, он бо ҷойгиронии марказҳои савдою хизматрасонӣ дар ошёнаи якум ва таваққуфгоҳ дар таҳхона сохта шуда, тамоми шароити зарурӣ барои истиқомати сокинон фароҳам оварда шудааст. Дар ошёнаи якуми бино қисми оташнишонии Раёсати хадамоти оташнишонии шаҳри Душанбе ҷойгир мебошад.
Ҳамчунин дар ин рӯз дар кучаи Фучик, 25 мағозаи фурӯши лавозимоти сохтмонӣ ва техникаҳои замонавӣ аз ҷониби ҶДММ «Асбоб» ба фаъолият оғоз кард. Мағозаи мазкур дар доираи дастгирии соҳаи соҳибкорӣ бо шароити замонавӣ ба истифода дода шуда, молҳои ин мағоза бо сифати туркӣ истеҳсол ва ворид мегарданд. Дар мағозаи мазкур 10 нафар ба кор ҷалб гардидаанд. Масоҳати умумии ин мағоза 420 метри мураббаъро дар бар гирифта, соҳибкори ватанӣ нақша дорад дар оянда шумораи чунин мағозаҳоро бештар намояд. Ба ин восита дар таъмини ҷойҳои нави кор саҳм гузошта, ба сокинон молҳои хушсифат дастрас намояд.
АКСҲО аз шуъбаи иттилоотии дастгоҳи Раиси шаҳри Душанбе
НИШАСТИ МАТБУОТӢ. Соли 2024 ҳаҷми истеҳсоли маҳсулоти саноатӣ дар шаҳри Душанбе ба 5,2 миллиард сомонӣ баробар гардид
Корхонаҳои саноатии ноҳияи Исмоили Сомонии пойтахт ба маблағи беш аз 1 миллиард сомонӣ маҳсулот истеҳсол намуданд
НИШАСТИ МАТБУОТӢ. Дар ноҳияи Сино 7 коргоҳу корхонаи саноатӣ бунёд мешавад
«НАВРӮЗИ ДУШАНБЕ – МЕҲВАРИ РОБИТАҲОИ ФАРҲАНГИЮ САЙЁҲӢ». Таҳти ин унвон 20 март дар пойтахти Тоҷикистон Форуми IV байналмилалӣ баргузор мешавад
«ҶОМИ РАИСИ ШАҲРИ ДУШАНБЕ». Мусобиқаи кушоди варзишӣ оид ба волейбол байни духтарон доир мешавад
НИШАСТИ МАТБУОТӢ. Роҳи автомобилгарди маҳаллаҳои Чимтеппа, Дарёобод ва Сарикиштии ноҳияи Фирдавсӣ пурра таъмир гардид
Оид ба рушди бонизоми зеҳни сунъӣ конференсияи илмӣ-назариявӣ доир гардид
Олимпиадаи V даставии хонандагони муассисаҳои шаҳри Душанбе аз фанни технология баргузор мегардад
Дар Душанбе Рӯзи Қувваҳои Мусаллаҳи Ҷумҳурии Тоҷикистон дар сатҳи баланд таҷлил мешавад
Доир ба татбиқи «Ҷадвали тақвими чорабиниҳои Иди байналмилалии Наврӯз дар шаҳри Душанбе барои соли 2025» ҷаласа баргузор шуд
МАРОМНОМАИ СОКИНИ ПОЙТАХТ. Муҳаббатамонро ба шаҳри Душанбе — муаррифи таъриху фарҳанги миллат бо рафтори намунавӣ собит намоем
«САЙРИ САДА». Дар Душанбе таҳти ин унвон барои иштирокдорон ва меҳмонони хориҷӣ хатсайрҳои сайёҳӣ ташкил гардид
