Дастаи мунтахаби футзали Тоҷикистон марҳилаи аввали омодагӣ ба Мусобиқаи интихобии Ҷоми Осиё-2022-ро анҷом дод
ДУШАНБЕ, 17.01.2022. /АМИТ «Ховар»/. Дастаи мунтахаби футзали Тоҷикистон марҳилаи аввали омодагӣ ба Мусобиқаи интихобии Ҷоми Осиё-2022-ро, ки аз 10 то 12 апрел дар Бишкек баргузор мешавад, анҷом дод. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.
Дастаи мунтахаби Тоҷикистон дар марҳилаи аввали омодагӣ бо дастаи миллии Гурҷистон, ки ҳафтаи оянда дар Чемпионати Аврупо-2022 дар футзал оғоз мешавад, ду бозии дӯстона анҷом дод, ки дар гурӯҳи D рақибони он дастаҳои Испания, Озарбойҷон ва Босния ва Ҳерсеговина мебошанд.
Бозиҳои дӯстона миёни дастаҳои мунтахаби Гурҷистон ва Тоҷикистон 15-16 январ дар Тифлис баргузор шуда, бо пирӯзии мизбонон – 6:2 ва 10:1 анҷом ёфтанд. Дастаи мунтахаби Тоҷикистон бо дастаи Гурҷистон вохӯрии дӯстонаро бидуни сармураббӣ Пайрав Воҳидов ва якчанд нафар бозингарони дигар гузаронид, зеро ташхиси онҳо барои санҷиши сироятёбӣ ба коронавирус, ки дар Тифлис гузаронида шуд, натиҷаҳои шубҳаовар дод.
Дар Мусобиқаи интихобии Ҷоми Осиё-2022 дастаи мунтахаби Тоҷикистон дар минтақаи омехтаи марказӣ ва ҷанубӣ баромад мекунад. Рақибони дастаи мо дар гурӯҳи «В» дастаҳои Афғонистон (10 апрел), Непал (11 апрел) ва Узбекистон (12 апрел) хоҳанд буд. Ду даста аз гурӯҳ ба финали Ҷоми Осиё-2022 роҳ меёбанд.
Вохӯриҳои дӯстона
Гурҷистон — ТОҶИКИСТОН 6:2
Голҳоро дар ҳайати дастаи мунтахаби Тоҷикистон Умед Қузиев ва Бахтиёр Солиев ба ҳадаф расониданд.
Гурҷистон — ТОҶИКИСТОН 10:1
Голро дар ҳайати дастаи мунтахаби Тоҷикистон Идрис Ёров ба нишон зад.
АКС аз ФФТ
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
