Директори Маркази тадқиқоти стратегӣ Хуршед Зиёӣ бо Намояндаи махсуси Ҳукумати Чин Ли Хуэй мулоқот намуд

Январь 6, 2022 10:23

ДУШАНБЕ, 06.01.2022 /АМИТ «Ховар»/. Директори Маркази тадқиқоти стратегии назди Президенти Ҷумҳурии Тоҷикистон Хуршед Зиёӣ бо Намояндаи махсуси Ҳукумати Ҷумҳурии Мардумии Чин оид ба корҳои Авруосиё Ли Хуэй мулоқот намуд, ки зимни он масъалаҳои мубраму муҳими минтақа, махсусан дурнамои вазъи амниятӣ дар Ҷумҳурии Исломии Афғонистон ва таъсири он ба равандҳои минтақаи Осиёи Марказӣ баррасӣ ва арзёбӣ гардиданд, хабар доданд аз Маркази тадқиқоти стратегӣ ба АМИТ «Ховар».

Хуршед Зиёӣ ба Ли Хуэй доир ба самтҳои асосии фаъолияти Маркази тадқиқоти стратегии назди Президенти Ҷумҳурии Тоҷикистон  ба таври мухтасар маълумот дода, ҳайати ҷониби Чинро бо 30-юмин солгарди барқарор намудани муносибатҳои дипломатӣ миёни Ҷумҳурии Тоҷикистон ва Ҷумҳурии Мардумии Чин табрик намуд.

Х. Зиёӣ иброз дошт, ки дар ин муддат ду кишвар тавонистанд ҳамкории байнидавлатиро аз сифр ба сатҳи шарикии стратегии фарогир бароранд.

Ли Хуэй дар навбати худ ба Хуршед Зиёӣ барои пазироии самимӣ изҳори сипос намуда, баргузории мулоқоти мазкурро дар арафаи таҷлили 30-юмин солгарди барқарории  муносибатҳои дипломатии ду кишвар рӯйдоди муҳим ва рамзӣ арзёбӣ намуд.

Дар идома 30 соли шарикии судманд ва манфиатбори ду давлати ҳамсоя ва ба ҳам дӯстро мусбат арзёбӣ намуда, иброз дошт, ки маҳз бо шарофати сиёсати хирадмандони пешгирифтаи роҳбарияти ду кишвар таҳкими муносибатҳо ва амалигардонии лоиҳаҳои бузурги стратегӣ имконпазир гашт.

Ҳамчунин Ли Хуэй нуктаҳои асосии сиёсати хориҷии Ҷумҳурии Мардумии Чинро муаррифӣ намуда, самтгириҳои он дар шароити пасопандемия ва таҳаввулоти баамаломадаро шарҳу тавзеҳ дод.

Мулоқот дар фазои дӯстона ва ҷавобгӯй ба сатҳи баланди муносибатҳои ду кишвар  анҷом ёфт.

АКСҲО аз МТС

Январь 6, 2022 10:23

Хабарҳои дигари ин бахш

Дар Москва бо ҷавонон ва донишҷӯёни тоҷик мулоқот доир гардид
Конфронси байналмилалии «Раванди Душанбе оид ба мубориза бо терроризм ва маблағгузории он» дар Давлати Кувайт баргузор мешавад
Сарвазири Тоҷикистон Қоҳир Расулзода дар ҷаласаи навбатии Шурои сарони ҳукуматҳои ИДМ дар Ашқобод иштирок намуд
Дар Исломобод конфронси байналмилалӣ марбут ба масъалаҳои обу иқлим баргузор шуд
Сарвазири Тоҷикистон Қоҳир Расулзода бо Президенти Туркманистон Сердар Бердимуҳамедов мулоқот анҷом дод
АРЗҲОИ ДӮСТӢ. 29 май аз барқарории муносибатҳои дипломатӣ байни Тоҷикистон ва Озарбойҷон 32 сол сипарӣ мегардад
Cафири Тоҷикистон бо ректори Донишгоҳи технологияҳои муҳандисии Туркманистон ба номи Оғузхон мулоқот намуд
Сироҷиддин Муҳриддин ва Мурат Нуртлеу масъалаҳои мубрами муносибатҳои Тоҷикистон ва Казоқистонро муҳокима намуданд
Сироҷиддин Муҳриддин ва Сергей Лавров омодагӣ ба музокироти дуюми байниидоравии Тоҷикистон ва Русияро баррасӣ намуданд
Дар Женева ҷаласаи ҳамоҳангсозони Барномаи махсуси Созмони Милали Муттаҳид барои иқтисодиёти Осиёи Марказӣ баргузор гардид
Ҳайати Тоҷикистон дар Конфронси байналмилалии амнияти ҳаставӣ дар Вена иштирок дорад
Вазири корҳои хориҷии Тоҷикистон дар ҷаласаи Шурои вазирони корҳои хориҷии Созмони ҳамкории Шанхай иштирок намуд