Федератсияи байналмилалии ҷудо қоидаҳои навро барои даври олимпии Париж-2024 тасдиқ намуд
ДУШАНБЕ, 07.01.2022 /АМИТ «Ховар»/. Федератсияи байналмилалии ҷудо (IJF) маҷмӯи қоидаҳои навро эълон кард, ки ба ҳифзи варзишгарон ва «модернсозии» ин намуди варзиш дар омодагӣ ба Бозиҳои олимпии Париж-2024 мусоидат хоҳад кард. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.
Пас аз он ки Федератсияи байналмилалии ҷудо аз федератсияҳои миллӣ тавсияҳо гирифт, ба қоидаҳои доварӣ якчанд тағйирот ворид карда шуд. Тағйироти баҳсноктарин ба амали «сеои наге» илова шуд, ки дигар он ҳаракати одӣ набуда, иҷрои он ба ҷазои ҷудочӣ оварда мерасонад.
Дар ин амал, ки аз ҷониби Ҷой Мин Ҳо аз Кореяи Ҷанубӣ, чемпиони олимпӣ маъмул шудааст, дида мешавад, ки ҳариф рақибашро пеш аз гардиш гирифта, ба пушт мепартояд.
Дигар тағйири қоидаҳо варзишгаронеро дар бар мегирад, ки агар онҳо либос ё мӯйи худро зиёда аз як маврид танзим кунанд, шидо мегиранд.
Бо сар чун шиновар ҳуҷум кардан ҳамчун амали хатарнок ҳисобида мешавад ва ҷудочӣ барои содир кардани ин амал аз ҳаққи ширкат дар мусобиқа маҳрум мешавад, ҳамчунин варзишгарон дар сурати ба қафо афтидан ду оринҷ ё дастонашонро ба замин монанд, ҷазо дода мешаванд.
Ба қоидаҳо оид ба доштани ҳариф низ тағйирот ворид карда шуданд.
Сармутахассиси варзиши Федератсияи байналмилалии ҷудо Владимир Барта гуфт, ки ҳадафи ин қоидаҳо ҳифзи варзишгарон мебошад.
«Мо аз федератсияҳои миллӣ оид ба ворид намудани тағйиру иловаҳо ба қоидаҳо пешниҳодҳо ва тавсияҳо гирифтем. Қоидаҳои нав аз аввали соли 2022 эътибор пайдо карда, то соли 2024 амал мекунанд», — гуфт Барта.
Қоидаҳои нав дар Гран Прии Одивелас, ки қарор аст аз 28 то 30 январ дар Португалия баргузор гардад, ҷорӣ карда мешаванд.
АКС: КМО Тоҷикистон
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
