КҲФ ва МГ: Дар роҳи мошингарди Рашт – Сангвор тарма фаромада, талафот ва хисорот ба қайд гирифта нашудааст
ДУШАНБЕ, 06.01.2022 /АМИТ «Ховар»/. Бар асари бориши зиёд 5 январ дар қитъаи аз 2 то 27-ум километри шоҳроҳи Рашт-Сангвор, ки аз минтақаи Лаби Ҷари Сангвор мегузарад, фаромадани тарма ба қайд гирифта шуд, хабар медиҳад Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон.
Барои тоза кардани роҳ 5 воҳиди техникаи хадамоти роҳдории Вазорати нақлиёт ҷалб шудааст. Дар айни замон роҳ тоза карда шуда, ҳаракати нақлиёт барқарор карда шудааст. Бар асари фаромадани тарма талафот ва харобиҳо ба қайд гирифта нашудаанд.
Дар қитъаҳои осебпазири шоҳроҳҳои Душанбе – Хуҷанд ва Душанбе – Хоруғ барои таъмини амнияти аҳолӣ аз ҳисоби наҷотдиҳандагони КҲФ ва МГ ва кормандони БДА посгоҳҳо ташкил карда шудаанд.
Кумитаи ҳолатҳои фавқулода ва мудофиаи гражданӣ хотиррасон мекунад, ки дар пайи гарм шудани ҳаво ва бориши зиёд эҳтимоли фаромадани тарма, резиши сангҳо, резиши барф ва яхбандӣ дар вилоятҳои ВМКБ, қаторкӯҳҳои Ҳисор, инчунин дар шоҳроҳҳои Душанбе-Хуҷанд-Чанок, Душанбе – Рашт – Лахш, Душанбе – Сангвор, Кӯлоб – Дарвоз, Ванҷ – Хоруғ, Хоруғ – Ишкошим, Хоруғ– Мурғоб дар назар аст.
Дар робита ба ин, Кумитаи ҳолатҳои фавқулода ва мудофиаи гражданӣ аз шаҳрвандон хоҳиш мекунад, ки дар ин рӯзҳо то ҳадди имкон аз сафар ба манотиқи осебпазир ва хатарнок, инчунин ҷамъоварии ҳезум, чаронидани чорво, моҳидорӣ ва шикор худдорӣ намоянд.
АКС: КҲФ ва МГ








Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Дар Москва ҷаласаи 11-уми Алянси Авруосиёии омбудсменҳо баргузор гардид
Бахшида ба Рӯзи Президент дар вилояти Суғд роҳпаймоии идона баргузор шуд
Ҳамкории ҳуқуқии Тоҷикистону Чин дар Пекин баррасӣ гардид
Рӯзи Президентро дар ноҳияи Ёвон бо баргузории чорабиниҳои гуногун таҷлил намуданд
Ба муносибати Рӯзи Президент ва Иҷлосияи XVI Шурои Олӣ дар бинои Ҳукумати Ҷумҳурии Тоҷикистон ҷамъомад баргузор шуд
Дар мавзуи «Низоми идоракунии президентӣ ва таъмини амнияти давлатӣ» ҳамоиши илмӣ-амалӣ доир шуд
Дар мақомоти Ваколатдор оид ба ҳуқуқи инсон бахшида ба Рӯзи Президенти Тоҷикистон ҳамоиш баргузор шуд
СИЁСАТИ ХОРИҶИИ ТОҶИКИСТОН – НАМУНАИ ДИПЛОМАТИЯИ МУТАВОЗИНУ СОЗАНДА. Эҳдо ба Рӯзи Президенти Ҷумҳурии Тоҷикистон
Дар Душанбе таҳти унвони «Президент — симои миллат ва рамзи давлат» ҳамоиши ҷумҳуриявӣ доир шуд
РӮЗИ ПРЕЗИДЕНТ ВА ТАҶАССУМИ ИРОДАИ ТАЪРИХИИ МИЛЛАТ ДАР БУНЁДИ ДАВЛАТДОРИИ НАВИН. Мулоҳизаҳои академик Фарҳод Раҳимӣ
ИҶЛОСИЯИ XVI – ЗАМИНАИ ТАЪРИХИИ ТАҲКИМИ ДАВЛАТДОРӢ, ҚОНУНИЯТ ВА АДОЛАТИ СУДӢ. Андешаҳо дар ин маврид






