Нисбат ба маъмури маркази компютерӣ ҷазо дар намуди ҳабс ба муҳлати 5 шабонарӯз татбиқ гардид

Январь 17, 2022 14:25

ДУШАНБЕ, 17.01.2022 /АМИТ «Ховар»/. Дар Душанбе нисбат ба маъмури  маркази компютерӣ Аҳтами Рустам санади ҳуқуқвайронкунии маъмурӣ тартиб дода шуда, ба ӯ бо қарори суд ҷазо дар намуди ҳабси маъмурӣ ба муҳлати 5 шабонарӯз татбиқ карда шуд, хабар медиҳад АМИТ «Ховар» бо истинод ба маркази матбуоти Раёсати Вазорати корҳои дохилӣ дар шаҳри Душанбе.

Дар натиҷаи баргузории санҷиши навбатӣ аз ҷониби кормандони милитсияи пойтахт ошкор карда шуд, ки дар нуқтаи бозиҳои компютерӣ, воқеъ дар кӯчаи Деҳотӣ-40 ноболиғони зиёде машғули бозиҳои зараровари компютерӣ мебошанд. Зимни санҷиш муайян гардид, ки дар маркази компютерии мазкур шаҳрванд Аҳтами Рустам, санаи таваллудаш 10 январи соли 2002, истиқоматкунандаи шаҳри Душанбе, кӯчаи Деҳотӣ ҳамчун маъмур фаъолият намуда, новобаста аз таъкидҳои ҳамешагии мақомот ҷиҳати иҷозат  надодани ноболиғон ба марказ, махсусан дар вақти дарс ба хотири ба даст овардани даромад онҳоро роҳ додааст.

Ба бозиҳои компютерӣ машғул шудани ноболиғон метавонад ба онҳо таъсири манфӣ расонад, зеро онҳо ҳанӯз ҷисману рӯҳан хуб инкишоф наёфтаанд. Бо мақсади пешгирии воридшавии ноболиғон ба марказҳои бозиҳои компютерӣ кормандони мақомоти милитсияи шаҳри Душанбе ба таври ҳамешагӣ санҷишу амалиёти пешгирикунанда доир менамоянд.

Аммо саволе ба миён меояд, ки дар чунин ҳолатҳо масъулияти падару модар куҷо мешавад? Волидон бояд ҳар қадами фарзандашонро назорат намуда, ӯро аз дурӯғ гуфтан, фиреб кардан, машғул шудан ба корҳои зараровар нисбат ба худу ҷомеа ҳимоя карда, танҳо ба роҳи рост ҳидоят кунанд.

Дар робита ба ин дар Ҷумҳурии Тоҷикистон кодексҳову қонунҳо ба тасвиб расидаанд, ки  маҳз ба хотири ҳифзи кӯдак ва тарбияи дурусти он аз ҷониби волидайн равона гардидаанд. Аз ҷумла, дар  моддаи 34-и  Констутсияи Ҷумҳурии Тоҷикистон омадааст, ки «падару модар барои тарбияи фарзандон масъул мебошанд».

Ҳамзамон дар заминаи меъёрҳои Конститутсия дар Ҷумҳурии Тоҷикистон қонуни миллӣ- Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» қабул ва мавриди амал қарор гирифт, ки масъулияти падару модарро дар таълиму тарбияи фарзанд танзим менамояд.

Волидайнро зарур аст, ки нисбат ба тарбияи фарзанд бемасъулиятӣ зоҳир накунанд, зеро тарбияи кӯдак аз оила сарчашма мегирад.

АКС: маркази матбуоти Раёсати ВКД дар ш. Душанбе

Январь 17, 2022 14:25

Хабарҳои дигари ин бахш

Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт
Эмомалӣ Раҳмон: «Хурофот хатарест, ки ба имрӯзу ояндаи Тоҷикистон ва минтақа таҳдиди ҷиддӣ дорад»