ПОСДОРОНИ СУЛҲИ ТОҶИКИСТОН АЗ ҚАЗОҚИСТОН БАРОМАДАНД. Онҳо курсантҳои тоҷикро, ки барояшон вақти таътил аст, бо худ гирифтанд
ДУШАНБЕ, 14.01.2022 /АМИТ «Ховар»/. Воҳидҳои посдори сулҳи СААД аз Арманистон, Беларус, Тоҷикистон ва Қирғизистон аз Қазоқистон баромада, ба макони истиқрори доимии худ равон гардиданд. Тавре АМИТ “Ховар” иттилоъ медиҳад, дар ин бора имрӯз ТАСС аз маҳалли ҳодиса хабар додааст.
Воҳидҳои Арманистон мошинҳо ва ҳайати шахсии худро ба се ҳавопаймои низомии нақлиётии Ил-76-и Неруҳои ҳавоии Русия бор карда, аз фурудгоҳи Алмаато парвоз карданд.
Даҳ ҳавопаймо бо неруҳои посдори сулҳи СААД-и Ҷумҳурии Беларус бо анҷом додани борбардорӣ аз фурудгоҳи Житиген ба вилояти Минск парвоз карданд.
Дар навбати худ низомиёни тоҷик бо як ҳавопаймои Ил-76-и Русия аз фурудгоҳи Алмаато парвоз карданд. Дар ҳавопаймо ҳамроҳ бо низомиёни Тоҷикистон як гурӯҳи 31-нафараи курсантҳои Донишкадаи ҳарбии неруҳои хушкигарди Қазоқистон дар рӯзҳои таътил ба Ватан рафтанд. Ситоди амалиёти СААД дар ҳамин муассисаи таълимӣ ҷойгир буд.
Посдорони сулҳи Қирғизистон аз ҳудуди ТЭС-2-и Алмаато, ки онро посбонӣ мекарданд, бо корвони мошинҳо ба сӯи сарҳади давлати худ равон шуданд. Онҳо бояд қариб 250 километр масофаро тай кунанд, то ба хоки Қирғизистон расанд.
Тибқи қарори Шӯрои амнияти дастҷамъии СААД, ки 6 январи соли 2022 қабул шуда буд, неруҳои дастҷамъии посдори сулҳи СААД барои ба эътидол овардани вазъ дар як муддати кӯтоҳ ба Қазоқистон фиристода шуданд. Ба ин гурӯҳ воҳидҳои неруҳои мусаллаҳи Русия, Беларус, Арманистон, Тоҷикистон ва Қирғизистон шомиланд. Вазифаи асосии воҳидҳои русиягӣ аз он иборат буд, ки иншооти асосии стратегиро дар вилояти Алмаато ҳифз намоянд.
13 январи соли 2022 хуруҷи тадриҷии неруҳои посдори сулҳ аз қаламрави Қазоқистон оғоз шуд, ки чанд рӯз идома меёбад. Ба иттилои Вазорати мудофиаи Русия, нахустин воҳидҳои десантчиёни рус аз неруҳои посдори сулҳи СААД рӯзи панҷшанбе бо чаҳор ҳавопаймои Ил-76МД аз Қазоқистон ба Федератсияи Русия баргаштанд.
ДАР АКС: посдорони сулҳи Тоҷикистон. Аксҳо аз манбаъҳои боз
ИМРӮЗ-РӮЗИ КОРМАНДОНИ МАҚОМОТИ СУДӢ. Дар Суди Олӣ Конфронси Созмони судяҳои Ҷумҳурии Тоҷикистон баргузор гардид
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
