35-солагии Истиқлолияти давлатиро бо корҳои азими созандагӣ пешвоз мегирем,-бардошт аз иҷлосияи вакилони Шуғнон
ДУШАНБЕ, 20.02.2022 /АМИТ «Ховар»/. Боварӣ дорем, ки сокинони шарафманди ноҳияи Шуғнон ҷашни бузурги миллӣ- 35 — солагии Истиқлолияти давлатиро бо корҳои азими созандагиву бунёдкорӣ, неруи тоза ва азму иродаи қавӣ баҳри пешрафт ва ободии ноҳияи Шуғнон истиқбол мегиранд. Ин нуктаро Раиси ноҳияи Шуғнон Ҷумъа Ҷумъазода дар назди вакилони мардумӣ иброз намуд, хабар доданд ба АМИТ «Ховар» дар мақомоти иҷроияи ҳокимияти давлатии ноҳияи Шуғнон.
18 феврал иҷлосияи нуҳуми Маҷлиси вакилони халқи ноҳияи Шуғнон, даъвати шашум доир гардид, ки дар кори он Раиси ноҳияи Шуғнон, муовинони раиси ноҳия, роҳбари дастгоҳи Раиси ноҳия, сардорони воҳидҳои сохтории дастгоҳ ва раисони ҷамоатҳои деҳот, сардорони мақомоти ҳифзи ҳуқуқ, роҳбарони ташкилоту корхонаҳои муассисашон мақомоти иҷроияи ҳокимияти давлатии ноҳияи Шуғнон ва намояндагони воситаҳои ахбори омма иштирок доштанд.
Ҳамзамон дар кори иҷлосия ба намояндагӣ аз мақомоти иҷроияи ҳокимияти давлатии Вилояти Мухтори Кӯҳистони Бадахшон — муовини раиси вилоят Нилуфар Асламшоева иштирок дошт.
Дар оғози кори иҷлосия Раиси ноҳияи Шуғнон Ҷумъа Ҷумъазода оид ба ҷамъбасти натиҷаҳои рушди иҷтимоию иқтисодии ноҳияи Шуғнон дар соли 2021 ҳисобот дода, вазифаҳоро барои соли 2022 муайян кард.
Тавре тазаккур дода шуд, новобаста аз таъсири бемории сироятии коронавирус дар ин давра тадбирҳои зарурӣ роҳандозӣ гардида, тамоюли мусбати аксари соҳаҳои иқтисодию иҷтимоии ноҳия таъмин карда шуд.
Зимни таҳлилу баррасии ҳамаҷонибаи натиҷаҳои фаъолият дар соли ҷорӣ Раиси ноҳия таваҷҷуҳи масъулини мақомоти иҷроияи ҳокимияти давлатии ноҳия ва вакилони халқро ба нишондиҳандаҳои рушди иҷтимоию иқтисодии ноҳия давоми соли 2021 ҷалб намуд.
Ҷумъазода Ҷумъа изҳори боварӣ намуд, ки сокинони шарафманди ноҳияи Шуғнон ҷашни бузурги миллӣ – 35 — солагии Истиқлолияти давлатиро бо корҳои азими созандагиву бунёдкорӣ, неруи тоза ва азму иродаи қавӣ баҳри пешрафт ва ободии ноҳияамон истиқбол мегиранд.
Дар фарҷоми Иҷлосия муовини раиси вилоят Нилуфар Асламшоева ҷиҳати баланд бардоштани рушди иҷтимоӣ-иқтисодии ноҳия ба роҳбарият ва масъулини мақомоти иҷроияи ҳокимияти давлатии ноҳияи Шуғнон дастур дод.
АКСҲО: МИҲД-и н. Шуғнон
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
