Дар ноҳияи Шаҳринав теъдоди корхонаҳои саноатӣ ба 18 адад расонида шуд
ШАҲРИНАВ, 04.02.2022 /АМИТ «Ховар»/. Соли 2021 дар ноҳияи Шаҳринав теъдоди умумии корхонаҳои саноатии ноҳия ба 18 адад расонида шуд, ки нисбат ба соли 2020 3 адад зиёд мебошад. Корхонаҳои навтаъсис асосан дар самти истеҳсол ва коркарди нӯшокиҳои машруботӣ, маҳсулоти нафтӣ, оҳану маводи сохтмонӣ ва ҳамчунин маҳсулоти хӯрокворию ширӣ фаъолият намуданд. Дар ин муддат корхонаҳои саноатӣ ба маблағи бештар аз 33 миллиону 541 сомонӣ маҳсулот истеҳсол карданд, ки дар муқоиса ба соли 2020 4 миллиону 147 ҳазор сомонӣ зиёд мебошад.
Ин матлабро Раиси ноҳияи Шаҳринав Ҷаббор Носирзода зимни нишасти матбуотӣ баён дошт, хабар медиҳад мухбири минтақавии АМИТ «Ховар».
Ёдовар мешавем, ки дар ноҳияи Шаҳринав ҷиҳати иҷрои Амри Президенти Ҷумҳурии Тоҷикистон «Дар бораи омодагӣ ба ҷашни 30-солагии Истиқлолияти давлатии Ҷумҳурии Тоҷикистон» 447 иншооти нақшавӣ пурра сохта шуда, мавриди баҳрабардорӣ қарор гирифтанд.
Аз ин нишондиҳанда 10 иншоот аз ҷониби мақомоти давлатӣ, 318 иншоот аз ҷониби соҳибкорон ва 119 иншоот бо ҷалби аҳолӣ ба истифода дода шуданд. Корҳои таъмирию сохтмонӣ бо харҷи умумии 42 миллиону 642 ҳазор сомонӣ бо таъсиси 1277 ҷои кори доимӣ ба анҷом расиданд.
Ба иттилои роҳбарияти ноҳия, ҳадаф аз таъсиси корхонаҳои нав ва ҷалби ҳарчи бештари аҳолӣ ба кор- ин саҳмгузорӣ дар Солҳои рушди саноат (2022-2026) мебошад, ки онро Пешвои миллат муҳтарам Эмомалӣ Раҳмон 21 декабри соли 2021 зимни ироаи Паёми навбатӣ ба Маҷлиси Олии Ҷумҳурии Тоҷикистон эълон намуданд.
АКС: АМИТ «Ховар»
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
РАВАНДИ ОБИ ДУШАНБЕ. Форуми «Об ва хатарҳои иқлимӣ: илм, мониторинг ва идоракунӣ» баргузор шуд
Дар ноҳияи Бобоҷон Ғафуров ҷамъоварии маҳсулоти барвақтӣ идома дорад
25 МАЙ — РӮЗИ КОРМАНДОНИ СОҲАИ СТАНДАРТИЗАТСИЯ ВА МЕТРОЛОГИЯ. 80 фоизи савдои ҷаҳонӣ аз стандартҳо вобаста аст
Форуми сафарбаркунии сармоягузориҳои хусусӣ ва маблағгузории инноватсионӣ барои инфрасохтори об дар кишварҳои рӯ ба тараққии маҳсур дар хушкӣ оғоз шуд
Сокинони Ҷамоати деҳоти «Чорбоғ»-и ноҳияи Қубодиён дар таъмини амнияти озуқаворӣ саҳм мегузоранд
