ФУТЗАЛ. Дастаи мунтахаби ҷавонони то 19-солаи Тоҷикистон дар Чемпионати CAFA-2022 иштирок мекунад

ДУШАНБЕ, 07.02.2022 /АМИТ «Ховар»/. Дастаи  мунтахаби ҷавонони то 19-солаи  Тоҷикистон  оид ба футзал дар Чемпионати Ассотсиатсияи футболи Осиёи Марказӣ (CAFA), ки 12-19 феврал  дар шаҳри  Бишкеки Қиғизистон баргузор  мешавад, иштирок  мекунад, иттилоъ медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Дар Чемпионати CAFA-2022 оид ба футзал миёни ҷавонон дастаҳои мунтахаби то 19-солаи Тоҷикистон, Эрон, Узбекистон, Қирғизистон ва Афғонистон иштирок менамоянд. Тибқи низомнома, мусобиқа дар асоси системаи даврӣ дар як давр доир гардид, ҳар даста 4 бозӣ анҷом медиҳад. Дастае, ки холи бештар ба даст меорад, ғолиб мешавад.

Ба ин мусобиқа дастаи мунтахаби ҷавонони Тоҷикистонро мутахассиси эронӣ Мустафо Афшорӣ омода мекунад.

Чемпионати CAFA-2022 оид ба футзал миёни дастаҳои  мунтахаб  то 19-сола

1-ум давр
12 феврал (шанбе)
15:00 – Узбекистан – ТОҶИКИСТОН
18:00 – Эрон – Афғонистон

2-юм давр
13 феврал (якшанбе)
15:00 – ТОҶИКИСТОН – Эрон
18:00 – Қирғизистон – Афғонистон

3-юм давр
15 феврал (сешанбе)
15:00 – Афғонистон – ТОҶИКИСТОН
18:00 – Қирғизистон – Узбекистон

4-ум давр
17 феврал (панҷшанбе)
15:00 – Афғонистон – Узбекистон
18:00 – Эрон – Қирғизистон

5-ум давр
19 феврал (шанбе)
15:00 – Узбекистон – Эрон
18:00 – ТОҶИКИСТОН – Қирғизистон

                                                                                                                                             АКС аз ФФТ