Кормандони ҷавони Кумитаи меъморӣ ва сохтмон барои таҳсил ва такмили ихтисос ба Русия сафарбар шуданд
ДУШАНБЕ, 05.02.2022 /АМИТ «Ховар»/. Кумитаи меъморӣ ва сохтмони назди Ҳукумати Ҷумҳурии Тоҷикистон барои тарбия ва омода кардани мутахассисони баландпоя ва ҷавон тадбирҳои муассир меандешад. Соли 2021 дар доираи ҳамкорӣ бо Вазорати сохтмони Федератсяи Русия 4 нафар кормандони ҷавони Кумита барои таҳсил ва такмили ихтисос ба Русия сафарбар карда шуданд,- чунин изҳори назар намуд Раиси Кумитаи меъморӣ ва сохтмон Маҳмадсаид Зувайдзода 4 феврал зимни нишасти матбуотии ин ниҳод.
Ба андешаи мавсуф, яке аз масъалаҳои асосии таҳияи Стратегияи рушди сохтмон- ин муайян кардани самтҳои асосии рушди соҳа ва роҳҳои ҳалли камбудиҳои ҷойдошта мебошад. Дар ин самт нақши мутахассисони баландихтисос хеле муассир мебошад.
М. Зувайдзода иброз дошт, ки кумита ба тайёр кардани мутахассисони касбҳои нави соҳа эътибори ҷиддӣ медиҳад. «Кумита барои рушди соҳаи меъморӣ, шаҳрсозӣ ва сохтмон, баланд бардоштани сатҳи меъмории миллӣ, таҳияи лоиҳаҳои замонавӣ бо истифода аз технологияи пешқадам, бо сатҳу сифати баланд бунёд намудани биною иншоот ва омодасозии кадрҳои баландихтисос дар назди худ вазифаҳои мушаххас гузошта, ҷиҳати амалӣ намудани онҳо тадбир меандешад»,-афзуд дар идома.
Ёдовар бояд шуд, ки Сарвари давлат муҳтарам Эмомалӣ Раҳмон зимни ироаи Паёми навбатӣ «Дар бораи самтҳои асосии сиёсати дохилӣ ва хориҷии ҷумҳурӣ» доир ба масъалаҳои соҳа изҳор намуданд, ки «Кумитаи меъморӣ ва сохтмон, мақомоти иҷроияи маҳаллии ҳокимияти давлатӣ ва дигар мақомоти марбута ҳангоми таҳия ва татбиқи нақшаҳои генералии шаҳрҳо ва шаҳраку деҳоти мамлакат банақшагириву бунёди иншооти иҷтимоиву сайёҳӣ ва дигар иншоотро бо риояи ҳатмии қоидаву меъёрҳои шаҳрсозӣ ва сохтмон, санъати баланди меъморӣ, истифодаи васеи унсурҳои меъмории милливу замонавӣ, технологияҳои муосир ва масолеҳи сифатноки сохтмон таъмин намоянд».
АКС: АМИТ «Ховар»
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
