Кумитаи бехатарии озуқаворӣ: 65 озмоишгоҳ дар бозорҳои истеъмолӣ мунтазам фаъолият доранд
ДУШАНБЕ, 03.02.2022 /АМИТ «Ховар»/. Тамоми маҳсулоти хӯрокворие, ки имрӯз дар бозори мамлакат ба фурӯш бароварда шудаанд, аз зери назорати мутахассисони Кумитаи бехатарии озуқавории назди Ҳукумати Ҷумҳурии Тоҷикистон гузашта, сипас барои истеъмол иҷозат дода мешаванд. Вазифаи асосии мо то бозори истеъмолӣ овардани маҳсулоти хӯрокворӣ буда, назорати он ба дӯши мақомоти дахлдор аст. Аз ҷониби кумитаи мо барои таъмини бехатарии озуқаворӣ дар вилоятҳо ва шаҳру ноҳияҳои мамлакат 22 маркази ташхиси бехатарии озуқаворӣ ва 65 озмоишгоҳ дар бозорҳои истеъмолӣ мунтазам фаъолият намуда, бо лавозимот ва таҷҳизоти зарурӣ таъмин карда шудаанд.
Ин матлабро имрӯз зимни нишасти матбуотӣ Раиси Кумитаи бехатарии озуқавории назди Ҳукумати ҷумҳурӣ Муҳаммадсаид Файзуллозода зикр намуд.
Мавсуф иброз дошт, ки дар нимсоли охир 61 731 кг маҳсулоти гӯштӣ, 16 599 кг (литр) маҳсулоти ширӣ, 1 795 литр равғани растанӣ, 25714 дона тухми паранда, 853 кг моҳӣ, 602 кг асал, 4 344 кг маҳсулоти намакин, 7 474 кг меваи хушк, 144 036 кг меваю сабзавот ва 29 942 кг маҳсулоти полезӣ ҳамчун маҳсулоти бесифат ва ба саломатӣ хавфнок муайян карда ва аз фурӯш боз дошта, нобуд карда шудааст.
Ба гуфти М. Файзуллозода, фаъолияти дигари Кумита- ин самти фитосанитарӣ ва карантини растанӣ ба солимгардонии ҳолати фитосанитарии зироати кишоварзӣ, сари вақт андешидани тадбирҳои карантинию фитосанитарӣ, муҳофизати зироати кишоварзӣ аз зараррасонҳо, касалиҳо ва алафҳои бегона, инчунин ҳимояи ҳудуди ҷумҳурӣ аз хатари воридот ва паҳншавии организмҳои зараррасони карантинӣ аз хориҷи кишвар мебошад.
«Давоми соли 2021 аз тарафи мутахассисони шуъбаи ташхиси фитосанитарӣ ва карантини растании Маркази миллии ташхиси бехатарии озуқаворӣ ҳамагӣ 9834 намуна, 145167 ташхисҳои гуногун, аз ҷумла 8179 ташхис барои дарёфти зараррасонҳо, 1114 ташхис барои дарёфти касалиҳо, 3311 ташхис барои дарёфти тухми алафҳои бегона ва 60 ташхис барои дарёфти нематодаҳо гузаронида шудааст. Сипас ба роҳбарони якчанд хоҷагиҳо, ташкилоту муассисаҳо ва шахсони алоҳида барои нобуд сохтани организмҳои зараррасони карантинӣ ва камбудиҳои ҷойдошта 1370 амрия дода шуда, камбудиҳои ошкоршуда сари вақт бартараф карда шуданд»,- гуфт Муҳаммадсаид Файзуллозода.
АКС аз АМИТ «Ховар»
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
