Кумитаи забон ва истилоҳот: 560 маводи муассисаҳои истеҳсолкунандаи реклама ба талаботи қонунгузорӣ мутобиқ карда шуд
ДУШАНБЕ, 14.02.2022. /АМИТ «Ховар»/. Кумитаи забон ва истилоҳоти назди Ҳукумати Ҷумҳурии Тоҷикистон дар соли сипаришуда теъдоди 560 маводи ташкилоту муассисаҳои рекламаистеҳсолкунанда ва соҳибкорони инфиродиро ҷиҳати забони матни ангораҳо ва навиштаҷоту овезаҳои рекламавӣ мавриди баррасӣ қарор дода, онҳоро ба талаботи қонунгузории кишвар мутобиқ намуд. Ин нуктаро Раиси Кумитаи забон ва истилоҳоти назди Ҳукумати Ҷумҳурии Тоҷикистон Олимҷон Муҳаммадҷонзода имрӯз зимни нишасти матбуотӣ ба хабарнигорон баён дошт.
Мавсуф иброз дошт, ки дар ин давра аз ҷониби мақомоти судӣ барои риоя нагардидани муқаррароти Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» бо моддаи 89- Кодекси ҳуқуқвайронкунии маъмурии Ҷумҳурии Тоҷикистон 57 адад парвандаи ҳуқуқвайронкунии маъмурӣ баррасӣ карда шуда, ба андозаи 48 ҳазору 660 сомонӣ ҷарима таъйин гардид, ки аз ин маблағ 34 ҳазору 860 сомонӣ ба фоидаи давлат рӯёнида шуд.
«Аз ҷониби Кумитаи забон ва истилоҳот пайваста санҷишҳои муштарак оид ба санҷиши вазъи номгузорӣ ва навиштаҷоти ғайримеъёрии марказҳои хизматрасонӣ ва нуқтаҳои савдои баъзе шаҳру ноҳияҳо бо дигар ниҳодҳои дахлдори мамлакат гузаронида мешаванд. Аз ҷумла, соли 2021 дар шаҳри Душанбе дар натиҷаи санҷиш нисбат ба 6 соҳибкори инфиродӣ санади огоҳӣ тартиб дода шуд», — афзуд Олимҷон Муҳаммадҷонзода.
Раиси Кумитаи забон ва истилоҳот иброз дошт, ки натиҷаи санҷишҳои гузаронидаи Кумита ва мақомоти дахлдор маълум намуд, ки яке аз сабабҳои асосии қонунвайронкунии баъзе аз соҳибмулкон бехабарӣ аз Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» ва риоя накардани он аст. Аз ин хотир аз ҷониби масъулини Кумита миёни соҳибкорон ва соҳибони дӯконҳои хизматрасонӣ пайваста корҳои фаҳмондадиҳӣ гузаронида мешаванд.
АКС: АМИТ «Ховар»
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
Сӯхтори ҷангал дар Калифорния беш аз 300 гектарро фаро гирифтааст
Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт
Дар натиҷаи заминларза дар Ситсзан дар ҷанубу ғарби Чин 126 нафар ҳалок гардид
Имрӯз дар ноҳияҳои алоҳидаи кӯҳии Тоҷикистон барф меборад
Фаронсаро тӯфони «Флориан» фаро гирифтааст
ИНТИХОБОТИ ВАКИЛОНИ ХАЛҚ-2025. Панҷ комиссияи ҳавзавии интихобот оид ба интихоботи аъзои Маҷлиси миллии Маҷлиси Олии Ҷумҳурии Тоҷикистон таъсис дода шуд
Дар натиҷаи заминларза дар Чин 95 нафар ҳалок гардида, 130 нафар захмӣ шуданд
