Маркази миллии қонунгузорӣ «Фарҳанги истилоҳоти ҳуқуқӣ» нашр намуд
ДУШАНБЕ, 03.02.2022 /АМИТ «Ховар»/. Бо мақсади баланд бардоштани фарҳанги ҳуқуқии аҳолӣ ва ягонакунии истилоҳоти қонунгузорӣ аз ҷониби маркази мо 11 045 истилоҳи ҳуқуқӣ ҷамъоварӣ гардида, дар заминаи он «Фарҳанги истилоҳоти ҳуқуқӣ» омода ва нашр шуд. Дар ин бора имрӯз, директори Маркази миллии қонунгузории Ҷумҳурии Тоҷикистон Иззатулло Саидзода зимни нишасти матбуотии ин ниҳод ба доираи васеи намояндагони ВАО хабар дод.
Маркази миллии қонунгузории назди Президенти Ҷумҳурии Тоҷикистон соли сипаригардида ба 6 қонуни ҷумҳурӣ тафсири илмию амалӣ намуда, тасмим гирифтааст, ки имсол Қонуни Ҷумҳурии Тоҷикистон «Дар бораи Ваколатдор оид ба ҳуқуқи инсон»-ро тафсир намояд.
Ба гуфтаи Иззатулло Саидзода, Ваколатдор оид ба ҳуқуқи инсон бевосита бо институтҳои байналмилалӣ сару кор мегирад ва бинобар ин марказ тасмим гирифтааст, ки қонуни мазкурро мавриди тафсир қарор диҳад. Ҳамчунин шуъбаи қонунгузории молия, андоз ва гумруки марказ тасмим гирифтааст, ки Кодекси андозро дар таҳрири нав зина ба зина тафсир намояд.
Дар Ҷумҳурии Тоҷикистон беш аз 400 қонун мавчуд буда, тафсири якбораи ҳамаи онҳо ғайриимкон мебошад. Маркази миллии қонунгузории назди Президенти Ҷумҳурии Тоҷикистон ният дорад қонунҳоеро, ки талабот ба онҳо бештар буда, муносибатҳои зиёди ҷамъиятиро ба танзим медароранд, зина ба зина мавриди тафсир қарор диҳад.
Зимни нишасти матбуотӣ зикр карда шуд, ки соли сипаригардида 9 қонуни амалкунандаи Ҷумҳурии Тоҷикистон бо мақсади дар оянда такмил додани меъёрҳои онҳо аз экспертизаи ҳуқуқӣ гузаронида шуданд.
АКСҲО: АМИТ «Ховар»
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
