Мутахассисони Тоҷикистон ва Олмон дар самти ташхис ва табобати сирояти нави COVID-19 мубодилаи таҷриба менамоянд
ДУШАНБЕ, 15.02.2022 /АМИТ «Ховар»/. Як гурӯҳ мутахассисони варзидаи Олмон барои мубодилаи таҷриба дар самти ташхис ва табобати сирояти нави COVID-19 дар Тоҷикистон қарор доранд. Дар назар аст, ки тайи ду ҳафта мутахассисони олмонӣ донишу таҷрибаеро, ки дар самти ташхис ва табобати сирояти нави COVID-19 доранд, ба табибони тоҷик омӯзонанд, иттилоъ доданд дар маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар».
14 феврал гурӯҳи мутахассисони Олмон бо намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон мулоқот намуданд.
Зикр шуд, ки ташрифи табибони варзидаи олмонӣ ба Тоҷикистон идомаи ҳамкории мутақобилан судманди ду кишвар дар соҳаи тандурустӣ, хосатан дар самти мубориза бар зидди сирояти нави COVID-19 ба шумор меравад.
Дар ҷараёни вохӯрӣ аз ҷониби Ҷамъияти олмонӣ оид ба ҳамкории техникӣ (GIZ) дар Тоҷикистон ба Пажӯҳишгоҳи тиббии профилактикии Вазорати тандурустӣ ва ҳифзи иҷтимоии аҳолии мамлакат маводи ташхисӣ барои муайян кардани сирояти нави COVID-19, алалхусус маводи масрафшаванда, ки барои 50 ҳазор тест пешбинӣ шудааст, тақдим карда шуд.
Дар асоси нақшаи корӣ сафари мутахассисони Олмон ба якчанд шаҳру навоҳии мамлакат ба нақша гирифта шудааст, ки дар ҷараёни он суҳбату вохӯрӣ ва машваратҳо, инчунин боздид аз озмоишгоҳҳои минтақаҳои мамлакат дар назар аст.
То имрӯз дар самти ташхис ва табобати бемории сироятии коронавирус табибони тоҷик бо мутахассисони варзидаи якчанд кишварҳои гуногуни дунё мубодилаи таҷриба намуда, дар ин самт ба натиҷаҳои назаррас ноил шудаанд.
АКС: Вазорати тандурустӣ ва ҳифзи иҷтимоии аҳолии ҶТ
Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
Султон Ҷамшед: «ВАО-и Тоҷикистон дар инъикоси кори конфронси сатҳи баланд муваффақ буд»
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Дар Душанбе масоили кунунии мониторинги пиряхҳо дар Осиёи Марказӣ баррасӣ шуд
Кристин Мишел: «Дар масъалаи тағйирёбии иқлим ва ҳифзи пиряхҳо давлатҳои ҷаҳон бояд муттаҳид бошанд»
Лидия Брито: «ЮНЕСКО Эъломияи Душанбе оид ба ҳифзи пиряхҳоро дастгирӣ намуда, ҳамеша дар паҳлуи ҷомеаи ҷаҳонӣ қарор мегирад»
ДУШАНБЕ-МАРКАЗИ ҚАБУЛИ ҚАРОРҲОИ МУҲИМИ БАЙНАЛМИЛАЛӢ. Дар ҳошияи Конфронси байналмилалии сатҳи баланд оид ба ҳифзи пиряхҳо
Дар Душанбе хатари офатҳои табиии марбут ба пиряхҳоро баррасӣ намуданд
Дар доираи Конфронси байналмилалии сатҳи баланд оид ба ҳифзи пиряхҳо масоили об ва иқлим баррасӣ гардид
