Роҳбарияти Бонки миллӣ ба донишҷӯёни ДДТТ доир ба вазъи низоми бонкӣ рӯнамо пешниҳод намуд
ДУШАНБЕ, 17.02.2002 /АМИТ «Ховар»/. «Дигаргунсозии ниҳодии бахши бонкӣ дар Тоҷикистон дар шароити мураккаби иқтисодӣ, барқарорсозии эътимоднокӣ ва боварӣ»- таҳти чунин унвон бо ибтикори роҳбарияти Бонки миллии Тоҷикистон дар Донишгоҳи давлатии тиҷорати Тоҷикистон ҳамоиш доир гардид. Дар ин бора АМИТ «Ховар бо истинод ба Бонки миллии Тоҷикистон иттилоъ медиҳад.
Ректори Донишгоҳи давлатии тиҷорати Тоҷикистон Маҳмадалӣ Қурбонзода изҳор дошт, ки баргузории ҳамоиш иқдоми саривақтӣ буда, ба такмили сатҳи донишу малака, тавсеаи тафаккури молиявӣ ва ҷаҳонбинии иқтисодии донишҷӯён мусоидат менамояд.
Муовини Раиси Бонки миллии Тоҷикистон Моҳбону Накҳатзода зикр намуд, ки ҳамоиш дар шароити имрӯзаи молиявию иқтисодӣ муҳиму зарур буда, ба таҳрик додани сатҳи тафаккуру ҷаҳонбинӣ, донишу маърифати илмӣ, баланд бардоштани маърифати молиявии донишҷӯён мусоидат намуда, ба бештар кардани завқу ҳаваси онҳо ба донишандӯзӣ ва ташаккули қобилияти пажӯҳишу навҷӯӣ такони ҷиддӣ мебахшад.
Муовини Раиси Бонки миллии Тоҷикистон Фирдавс Толибзода рӯнаморо дар мавзӯи вазъи низоми бонкӣ манзури аҳли нишаст намуда, диққати ҳозиринро ба вазъи воқеии низоми бонкӣ ва мукаммал гардидани сохтори он, сатҳи дороиҳо ва уҳдадориҳо, зиёд гардидани ҳаҷми сандуқи қарзӣ ва пастшавии сатҳи қарзҳои ғайрифаъол, нигоҳдорӣ ва идоракунии захираҳои байналмилалӣ, низоми пардохт ва инфрасохтори пардохт, ҳисоббаробаркунии ғайринақдӣ ва саҳми он дар иқтисодиёт давоми 6 соли охир ҷалб кард.
Ф. Толибзода тазаккур дод, ки дар натиҷаи таҳкими сифатии низоми бонкӣ нишондиҳандаҳои асосии устувории молиявӣ, новобаста аз берун шудани ташкилоти қарзии мушкилотдор аз низоми бонкӣ дар қиёс бо баъзе аз кишварҳо дар сатҳи баланд қарор дошта, беҳтаршавии вазъи молиявии низоми бонкӣ идома дорад.
Дар ҳамоиш роҳбарони бархе сохторҳои масъули Бонки миллии Тоҷикистон тариқи рӯнамо аҳли нишастро бо татбиқи босамари сиёсати пулию қарзӣ ва асъорӣ, устувории суботи молиявӣ, вазъи низоми иттилоотӣ, татбиқи самараноки низоми пардохт ва ҳимояи ҳуқуқҳои истеъмолкунандагони хизматрасониҳои молиявӣ шинос намуданд.
Дар ҳамоиш миёни масъулини Бонки миллии Тоҷикистон ва аҳли нишаст оид ба рӯнамои мазкур мубодилаи афкор сурат гирифт.
АКСҲО: Бонки миллии Тоҷикистон
Минтақаҳои озоди иқтисодии Тоҷикистон соли 2023 ба маблағи беш аз 445 миллион сомонӣ маҳсулот истеҳсол намуданд
Раиси Бонки миллии Тоҷикистон бо намояндагони ширкатҳои «Moody’s Investors Service» ва «De La Rue» масъалаи ҳамкориро баррасӣ намуд
Дурнамои макроиқтисодӣ бо назардошти номуайяниҳо дар бозори молиявӣ дар форуми Вашингтон баррасӣ гардид
Имрӯз дар Душанбе Форуми байналмилалии ихтироъкорон ва навоварон баргузор мешавад
РОҲ БА УҚЁНУСИ ҲИНД. Дар Теҳрон ҳайатҳои Тоҷикистон ва Эрон оид ба истифодаи бандари «Чобаҳор» гуфтушунид анҷом доданд
Кишоварзони шаҳри Турсунзода зиёда аз 370 тонна маҳсулоти барвақтии гармхонаҳоро ба аҳолӣ пешниҳод намуданд
Пиетро Салини: «Дар Италия бисёр ширкатҳое ҳастанд, ки мехоҳанд бо Ҳукумати Тоҷикистон ҳамкорӣ намоянд»
Тоҷикистон ва Фаронса ҳамкории саноатиро тақвият медиҳанд
Соҳибкорони Тоҷикистон ва Италия ба маблағи зиёда аз 160 миллион доллари амрикоӣ санадҳои дуҷонибаи ҳамкорӣ ба имзо расониданд
«ТОҶИКИСТОН-2024». Дар Душанбе аз 3 то 5 май Намоишгоҳи байналмилалии универсалӣ баргузор мегардад
Байни Тоҷикистон ва Италия дар соҳаҳои ҳамлу нақли байналмилалии автомобилӣ ва саноату технологияҳои нав созишномаҳо ба имзо расиданд
БАТР барои намояндагони бахши молиявии Тоҷикистон даври нахустини дарсҳои маҳорат ташкил намуд
