Рустами Эмомалӣ нахустин барандаи Ҷоизаи бонуфузи байналмилалии Wild Sheep Foundation гардид

Февраль 1, 2022 14:20

ДУШАНБЕ, 01.02.2022 /АМИТ «Ховар»/. Раиси шаҳри Душанбе муҳтарам Рустами Эмомалӣ  нахустин барандаи Ҷоизаи бонуфузи Wild Sheep Foundation /WSF/ барои дастовардҳо дар ҳифзи  Аргелӣ — гӯсфанди ёбоии Марко Поло аз Тоҷикистон гардид, иттилоъ дод Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерлизода  имрӯз зимни нишасти матбуотӣ ба хабарнигорон.

Баҳодур Шерализода иброз намуд, ки  «Бунёди гӯсфандони нодир» (The Wild Sheep Foundation) соли 2022 барои дастовардҳо дар ҳифзи гӯсфанди кӯҳии ёбоӣ мукофот таъсис дод. Лауреати аввалини ин мукофот, ки дар анҷумане дар шаҳри Ринои иёлоти Невадаи Амрико эълон гардид, Раиси шаҳри Душанбе муҳтарам Рустами Эмомалӣ дониста шуданд.

Ин мукофот бояд фаъолияти шахс ё ташкилотеро қадрдонӣ намояд, ки дар ҳифзи гӯсфанди кӯҳии ёбоӣ саҳми муносиб гузошта бошад. Барои соҳиби ин мукофот шудан зарур аст, ки гирандаи он шаҳрванди яке аз кишварҳои макони зисти гӯсфанди кӯҳии ёбоӣ  буда, барои нигоҳдории ин намуди ҳайвони нодир саҳми шоён гузошта бошад.

Алҳол дар Тоҷикистон  тақрибан 25 000 сар гӯсфанди кӯҳии Марко Поло ва 4000 сар бузи пармашох (Морхур) сукунат доранд.

Яке аз иқдомҳои муҳтарам Рустами Эмомалӣ ин мебошад, ки таҳти роҳбарии ӯ дар иҷрои Конвенсияи СИТЕС савдои устувори намудҳои ваҳшии ҳайвонот бо Иттиҳоди Аврупо, Амрико ва Канада ба танзим дароварда шуд. Шомил шудан ба Конвенсияи мазкур сабаби коҳиш ёфтани гардиши беназорат ва ғайриқонунии намудҳои нодири наботот, ҳайвоноти ёбоӣ ва ваҳшие мегардад, ки таҳти таҳдиди нестшавӣ қарор доранд.

«Бунёди гӯсфандони нодир» (WSF), ки дар Бозмани иёлоти Монтанаи Амрико фаъолият дорад, соли 1977 аз ҷониби тарафдорон ва хоҳишмандони ҳифзи ҳайвоноти ваҳшӣ таъсис ёфтааст. WSF зиёда аз 8500 нафар аъзоро дар тамоми ҷаҳон муттаҳид намуда, ҳимоятгари асосии гӯсфандони ваҳшӣ ва дигар ҳайвоноти нодири ваҳшии манотиқи кӯҳӣ ва муҳити зисти онҳо мебошад.

АКСҲО: Кумитаи ҳифзи муҳити зисти назди Ҳукумати ҶТ

Февраль 1, 2022 14:20

Хабарҳои дигари ин бахш

Бахшида ба Рӯзи пойтахт Намоиши аксҳои Душанбе ва сайри рӯзноманигорон баргузор гардид
Озмуни «Беҳтарин корхонаи саноатии шаҳри Душанбе» баргузор мешавад
Дар Душанбе Фестивал-озмуни «Беҳтарин армуғон» баргузор мегардад
Бахшида ба Рӯзи пойтахт барномаи фарҳангӣ ва маросими ҷоизасупорӣ ба ғолибони озмунҳои шаҳрӣ доир мегардад
ПОЙТАХТ СИМОИ ДАВЛАТ АСТ. Барои вазоратҳои саноат ва технологияҳои нав, фарҳанг, маориф ва илм биноҳои муосиру замонавӣ сохта мешавад
Дар Душанбе сохтмонҳои ғайриқонунӣ, ошхона ва фурӯшгоҳҳои сарироҳӣ бартараф карда мешаванд
«ИСТИҚЛОЛ». Ин маҷмааи меъморӣ рамзи соҳибистиқлолӣ ва озодии Тоҷикистон мебошад
Тақвияти минбаъдаи робитаҳо байни шаҳрҳои Душанбе ва Вена баррасӣ гардид
Дар ноҳияи Шоҳмансур Рӯзи пойтахти Ҷумҳурии Тоҷикистон — шаҳри Душанбе таҷлил карда шуд
Ҳафтаи илм, технология, инноватсия ва ихтироъкории наврасону ҷавонони шаҳри Душанбе ҷамъбаст шуд
Рустами Эмомалӣ бинои нави маъмурии Нозироти андоз дар ноҳияи Шоҳмансури шаҳри Душанберо мавриди истифода қарор доданд
Ҳафтаи илм, технология, инноватсия ва ихтироъкории наврасону ҷавонони шаҳри Душанбе идома дорад