Саъдӣ Қодирзода: Паёми Пешвои миллат фарогири барномаи рушди кишвар барои 5 соли оянда мебошад
ДУШАНБЕ, 01.02.2022 /АМИТ «Ховар»/. «Паёми Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон самтҳои асосии сиёсати дохилию хориҷии мамлакатро барои давраҳои оянда муайян намуда, дар он доир ба пешбурди манфиатбори сиёсати хориҷӣ ва таъмини пешрафти соҳаҳои иқтисоду саноат, энергетика, роҳу нақлиёт, амнияту мудофиа, ҳифзу ҳуқуқу тартибот, илму маориф, тандурустӣ, фарҳанг, ҳифзи иҷтимоии аҳолӣ, варзиш ва сайёҳӣ вазифагузории мушаххас ба миён гузошта шудааст». Ин нуктаро Раиси Кумитаи давлатии сармоягузорӣ ва идораи амволи давлатӣ Саъдӣ Қодирзода дар ҳамоише, ки дар кумитаи мазкур бо иштироки роҳбарият, кормандони дастгоҳи марказӣ ва ташкилоти низоми кумита доир ба омӯзиш ва тавзеҳи нуктаҳои Паёми Пешвои миллат муҳтарам Эмомалӣ Раҳмон доир гардид, зикр намуд.
Тавре ба АМИТ «Ховар» аз Кумитаи давлатии сармоягузорӣ ва идораи амволи давлатӣ иттилоъ доданд, Паёми Пешвои миллат фарогири барномаи рушди кишвар барои 5 соли оянда буда, муайянкунандаи ҳадафу афзалият ва дурнамои нишондиҳандаҳои асосии рушди соҳаҳои иқтисоди миллӣ, аз ҷумла таъмини рушди иқтисодӣ дар сатҳи на кам аз 7 фоиз, ташкили зиёда аз 500 ҳазор ҷойи нави корӣ, беш аз 2 баробар зиёд намудани даромади пулии аҳолӣ ва ба 45 фоиз расонидани ҳиссаи табақаи миёнаи аҳолӣ, то 15 фоиз коҳиш додани сатҳи камбизоатӣ мебошад. Бо мақсади расидан ба ин ҳадафҳо солҳои 2022–2026 Солҳои рушди саноат эълон карда шуданд.
Дар ҳамоиш раиси кумита Саъдӣ Қодирзода изҳор дошт, ки ҳисси баланди миллӣ, худшиносиву худогоҳӣ, ватандӯстиву ватанпарастӣ ва садоқат ба Ватан, миллат ва обу хоки сарзамини аҷдодӣ гарави амнияту осоиши ҷомеа, пешрафти давлат ва ободии имрӯзу фардои Тоҷикистони соҳибистиқлол мебошад.
«Ноил гардидан ба ҳадафҳои аз ҷониби Сарвари давлат дар назди Ҳукумати Ҷумҳурии Тоҷикистон гузошташуда аз фаъолияти босамари мо низ вобастагӣ дорад. Аз ин рӯ, моро зарур аст, ки ҷиҳати расидан ба ин ҳадафҳо фаъолияти худро дар самти беҳтарсозии фазои соҳибкорию сармоягузорӣ, ҷалби сармоя ба соҳаҳои иқтисодиёт, татбиқи босамари лоиҳаҳои сармоягузории давлатӣ ва идораи амволи давлатӣ тақвият бахшем», афзуд Саъдӣ Қодирзода.
АКСҲО аз Кумитаи давлатии сармоягузорӣ ва идораи амволи давлатии ҶТ
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
Роҳбарияти Бонки миллии Тоҷикистон ва намояндагони GGGI рушди маблағгузории устуворро баррасӣ намуданд
