ШАҲРАМОНРО ТОЗА НИГОҲ МЕДОРЕМ! Дар кӯчаҳои Айнӣ ва Дониши пойтахт 150 қуттии партов насб гардид
ДУШАНБЕ, 15.02.2022 /АМИТ «Ховар»/. Бо иқдоми мақомоти иҷроияи ҳокимияти давлатии шаҳри Душанбе дар ҳамкорӣ бо Кумитаи ҳифзи муҳити зисти назди Ҳукумати Ҷумҳурии Тоҷикистон дар кӯчаҳои Садриддин Айнӣ ва Аҳмади Дониши ноҳияи Шоҳмансури шаҳри Душанбе- аз ҳудуди Донишкадаи санъати тасвирӣ ва дизайни Тоҷикистон то Фурудгоҳи байналмилалии Душанбе беш аз 150 қуттии хурд барои партов насб карда шуд, иттилоъ доданд ба АМИТ «Ховар» дар Кумитаи ҳифзи муҳити зисти назди Ҳукумати Ҷумҳурии Тоҷикистон.
Ин иқдом бозгӯи он аст, ки таваҷҷуҳи сохторҳои марбута ба беҳсозию солимгардонии муҳити зист равона гашта, баланд бардоштани сатҳи маърифатнокии экологии аҳли ҷомеа дар мадди назар қарор дода шудааст.
Ёдовар мешавем, ки дар мавсими сабзазоркунии соли 2021 аз ҷониби Кумитаи ҳифзи муҳити зисти назди Ҳукумати Ҷумҳурии Тоҷикистон дар ҳудуди шаҳри Душанбе зиёда аз 5 ҳазор бех ниҳолҳои дарахтони ороишӣ шинонида шуданд.
Ҳамзамон дар ин давра аз ҷониби мақомоти иҷроияи ҳокимияти давлатии шаҳри Душанбе ҷиҳати ободонӣ ва беҳдошти шароити пойтахт корҳои назаррас анҷом дода шуданд. Ҳоло зарур аст, ки тамоми сокинон ва меҳмонони пойтахт ин иқдомро дастгирӣ намуда, ташаббус ва саҳми худро дар тоза нигоҳ доштани пойтахти кишвар гузоранд.
Кумитаи ҳифзи муҳити зисти назди Хукумати Ҷумҳурии Тоҷикистон дар тақвияти корҳои ободонӣ, ниҳолшинонӣ, баланд бардоштани сатҳи маърифат ва тарбияи экологии аҳолии пойтахт саҳми мушаххас мегузорад. Бо ин мақсад кумита тасмим гирифтааст, ки дар доираи омодагӣ ба ҷашни 35-солагии Истиқлолияти давлатии Ҷумҳурии Тоҷикистон дар шаҳри Душанбе корҳои ободонию созандагиро мувофиқи имконият роҳандозӣ намояд.
АКСҲО: Кумитаи ҳифзи муҳити зисти назди Ҳукумати ҶТ
«ҶОМИ РАИСИ ШАҲРИ ДУШАНБЕ». Мусобиқаи кушоди варзишӣ оид ба волейбол байни занону духтарон ҷамъбаст шуд
Дар Душанбе Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мешавад
Дар ноҳияи Шоҳмансури шаҳри Душанбе Озмуни ноҳиявии «Кадбонуи беҳтарин» баргузор гардид
«МОДАР — САРЧАШМАИ МЕҲРУ МУҲАББАТ». Дар Душанбе Рӯзи модарро ботантана таҷлил намуданд
Иҷлосияи панҷуми Маҷлиси вакилони халқи шаҳри Душанбе, даъвати ҳафтум баргузор мегардад
Маросими қадршиносии беҳтаринҳо дар соҳаҳои кор бо ҷавонон ва варзиши шаҳри Душанбе баргузор гардид
МОДАР — САРЧАШМАИ МЕҲРУ МУҲАББАТ. Дар ноҳияи Шоҳмансур ҳамоиши идонаи фарҳангӣ – фароғатӣ доир шуд
УФУҚҲОИ ДӮСТӢ. Муносибатҳои бародаршаҳрӣ байни Душанбе ва Боку тақвият меёбад
«ЗАН-МОДАР — ПАЙВАНДГАРИ НАСЛҲО». Дар Душанбе ҳамоиши маърифатӣ — фарҳангӣ доир гардид
«БАРОИ ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон доир гардид
«САЙРИ ГУЛИ ЛОЛА». Дар Душанбе таҳти чунин унвон Фестивали гулҳо баргузор мегардад
Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мегардад
