Тоҷикистон ва Узбекистон дар бахши кирмакпарварӣ ва коркарди пилла корхонаҳои муштарак таъсис медиҳанд
ДУШАНБЕ, 09.02.2022 /АМИТ «Ховар»/. Ҳайати Тоҷикистон аз ҷумлаи кормандони Вазорати саноат ва технологияҳои нав, корхонаҳои хусусии саноатӣ ва намояндагони лоиҳаҳои Созмони Милали Муттаҳид оид ба рушди саноат 7 феврал аз Узбекистон дидан намуд. Дар ин бора ба АМИТ «Ховар» дар хадамоти матбуоти Вазорати саноат ва технологияҳои нави Тоҷикистон хабар доданд.
Иқдоми мазкур бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон оид ба рушди истеҳсоли пиллаву атлас ва адрас, афзоиши содироти маҳсулоти ватанӣ, ҷустуҷӯи шарикони тиҷоратӣ ва табодули афкор миёни мутахассисони соҳа амалӣ карда шуд.
Тоҷикистон ва Узбекистон дар кишварҳои Роҳи Абрешим хуб маъруфанд. Аз давраҳои қадим дар ин кишварҳо ба истеҳсоли пилла, атласу адрас машгғул буданд, ҳоло ин самтҳо бомуваффақият дубора эҳё карда мешаванд.
Зимни боздид аз корхонаҳои истеҳсоли атласу адрас дар Узбекистон раванди дастгирии давлатӣ, низоми андозбандӣ, бозори фурӯш, раванди истеҳсолот, интихоб ва истифодаи нақшҳои матоъ, ҷалби тарроҳон ва содироти маҳсулоти тайёр баррасӣ ва омӯхта мешаванд.
Намояндагони Тоҷикистон аз қитъаи намунавии боғи тут, намоишгоҳи ашёи хом ва матоъҳои тайёр, либосҳои тарроҳӣ дидан намуданд.
Дар вохӯрӣ ҳамчунин раванди таъсиси корхонаҳои муштарак дар соҳаи кирмакпарварӣ, коркарди пилла, истеҳсоли матоъҳои абрешимӣ ва табодули таҷриба миёни тарроҳон баррасӣ гардид.
Ёдовар мешавем, ки сафари ҳайат то 11 феврал идома ёфта, боздид аз корхонаву коргоҳҳои шаҳрҳои Тошканд, Марғелон ва Фарғона дар назар аст.
АКС: Вазорати саноат ва технологияҳои нави Тоҷикистон
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
РАВАНДИ ОБИ ДУШАНБЕ. Форуми «Об ва хатарҳои иқлимӣ: илм, мониторинг ва идоракунӣ» баргузор шуд
Дар ноҳияи Бобоҷон Ғафуров ҷамъоварии маҳсулоти барвақтӣ идома дорад
25 МАЙ — РӮЗИ КОРМАНДОНИ СОҲАИ СТАНДАРТИЗАТСИЯ ВА МЕТРОЛОГИЯ. 80 фоизи савдои ҷаҳонӣ аз стандартҳо вобаста аст
Форуми сафарбаркунии сармоягузориҳои хусусӣ ва маблағгузории инноватсионӣ барои инфрасохтори об дар кишварҳои рӯ ба тараққии маҳсур дар хушкӣ оғоз шуд
