Валентина Матвиенко 24-25 феврал бо сафари расмӣ вориди Душанбе мешавад
ДУШАНБЕ, 11.02.2022 /АМИТ «Ховар»/. Раиси Шӯрои Федератсия Валентина Матвиенко 24-25 феврал бо сафари расмӣ аз Тоҷикистон дидан мекунад. Тавре АМИТ «Ховар» иттилоъ медиҳад, дар ин бора дирӯз, 10 феврал, Сафири Русия дар Ҷумҳурии Тоҷикистон Игор Лякин-Фролов ба ТАСС хабар дод.
«Рӯзҳои 24-25 феврал раиси Шӯрои Федератсия Валентина Матвиенко бо Президенти Тоҷикистон Эмомалӣ Раҳмон, раисони палатаҳои болоӣ ва поёнии Парлумони ҷумҳурӣ Рустами Эмомалӣ ва Маҳмадтоир Зокирзода вохӯриҳо баргузор мекунад», — гуфт ӯ.
Ба гуфтаи сафири Русия, дар рӯзнома баррасии масоили ҳамкории дуҷонибаи Русия ва Тоҷикистон, рушди равобити байнипарлумонӣ дар назар аст. «Интизор меравад, ки Матвиенко дар ҳамоиши байнипарлумонии Русияву Тоҷикистон оид ба ҳамкории тиҷоративу иқтисодии минтақаҳои ду кишвар ширкат варзад ва ҳамчунин аз майдони сохтмонӣ дар шаҳри Душанбе, ки дар он яке аз панҷ мактаби русӣ дар Тоҷикистон бунёд мешавад, боздид намояд», — гуфт Лякин-Фролов. Вай афзуд, ки ба ҳайати Русия гурӯҳе аз сенаторҳо, намояндагони вазоратҳои бахши иқтисодӣ ва соҳибкорон шомиланд.
Ёдовар мешавем, ки моҳи ноябри соли 2020 зимни сафари расмӣ ба Русия Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар шаҳри Москва бо Раиси Шӯрои Федератсияи Маҷлиси Федералии Федератсияи Русия Валентина Матвиенко мулоқот карда буданд.
Рустами Эмомалӣ ба раиси палатаи болоии парлумони Русия барои даъват ҷиҳати анҷом додани сафари расмӣ изҳори миннатдории самимӣ намуда, аҳамияти баррасии масъалаҳои мубрами шарикии стратегии ду кишварро дар сатҳи роҳбарони мақомоти қонунгузорӣ таъкид карда, самимона Валентина Матвиенкоро барои боздиди расмӣ ба Тоҷикистон даъват карданд.
10-11 ноябри соли 2021 ҷаласаҳои якҷояи кумитаҳо ва комиссияҳои Маҷлиси миллии Маҷлиси Олии Ҷумҳурии Тоҷикистон ва Шӯрои Федератсияи Маҷлиси Федералии Федератсияи Русия дар сиғаи онлайн дар чаҳорчӯби омодагӣ ба Анҷумани VII байналмилалии «Тоҷикистон-Русия: иқтидори ҳамкории байниминтақавӣ», ки баргузории он моҳи феврали соли 2022 дар назар аст, доир шуданд.
АКС: АМИТ «Ховар»
Дар Душанбе дурнамо ва рушди қонунгузории шаҳрак ва деҳот дар шароити ҷаҳонишавӣ баррасӣ карда шуд
Қонуни Ҷумҳурии Тоҷикистон «Дар бораи мақоми омӯзгор» қабул карда шуд
Ҳайати вакилони Тоҷикистон дар Муколамаи дуюми минтақавии парламентӣ оид ба рушди технологияҳои «сабз» иштирок намуд
Дар Маҷлиси намояндагон лоиҳаи Қонуни Ҷумҳурии Тоҷикистон «Дар бораи мақоми омӯзгор» мавриди баррасӣ қарор гирифт
Дар Русия ҷаласаҳои навбатии Ассамблеяи байнипарламентии давлатҳои ИДМ баргузор гардиданд
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати Гурӯҳи дӯстӣ ва ҳамкории Маҷлиси намояндагони Тоҷикистон бо Палатаи намояндагони Маҷлиси миллии Беларус мулоқот намуд
Намояндаи Тоҷикистон дар Конфронси умумиҷаҳонии парламентӣ оид ба мубориза бо терроризм ва пешгирии ифротгароӣ иштирок намуд
Вакили Маҷлиси намояндагон: «Парлумони Тоҷикистон иштирокчии фаъол ва шарики муътамади Форуми осиёии ҳамкории парламентӣ мебошад»
