Анушервон Фозилов дар Чемпионати Осиё оид ба бокс миёни наврасон медали нуқра ба даст овард
ДУШАНБЕ, 14.03.2022 /АМИТ «Ховар»/. 13 март дар шаҳри Аммони Урдун муҳорибаҳои финалии Чемпионати Осиё оид ба бокс миёни наврасон баргузор шуданд, иттилоъ медиҳад шореҳи варзиши АМИТ «Ховар» бо истинод ба Кумитаи миллии олимпии Тоҷикистон.
Дар ин рӯз танҳо як варзишгари мо – Анушервон Фозилов дар вазни -46кг муҳориба карда, аз намояндаи Ҳиндустон Криш Пал мағлуб ва соҳиби медали нуқра гардид. Анушервон Фозилов то ба финал расидан дар даври муқаддамотӣ бар намояндаи Муғулистон Мандах Тосгбардах, дар чорякфинал бар варзишгари Ироқ Ҳамдан Аббос Қосим, дар нимфинал бар намояндаи Қирғизистон Зафарбек Комилов пирӯз шуд.
Се варзишгари дигарамон – Руслан Ғафуров (-57кг), Рустамҷон Ашуров (-60кг) ва Ҳангома Исоева (-57кг) миёни наврасон медали биринҷӣ гирифтанд.
Имрӯз муҳорибаҳои финалӣ миёни ҷавонон доир мегарданд, ки дар он варзишгари тоҷик Абдураҳим Ёқубов (-60кг) бо Алмаз Орозбекови қирғизистонӣ рақобат мекунад.
Хотиррасон мешавем, ки Чемпионати Осиё оид ба бокс миёни наврасону ҷавонон дар шаҳри Аммони Урдун 2 март оғоз гардида буд. Дар чемпионат варзишгарон аз 21 давлати қора иштирок доранд. Аз Ҷумҳурии Тоҷикистон 21 варзишгар (11 нафар миёни ҷавонон, 10 нафар миёни наврасон) ба Урдун сафарбар гардидаанд.
АКС: Кумитаи миллии олимпии Тоҷикистон
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
