Бахшида ба Рӯзи Модар раиси шаҳри Кӯлоб момоҳои табаррукро аёдат кард
ДУШАНБЕ, 04.03.2022 /АМИТ «Ховар» /. 3 март иҷрокунандаи вазифаи раиси шаҳри Кӯлоб Бахтиёр Назарзода дар доираи таҷлили Рӯзи Модар ба аёдати 13 нафар занони собиқадори шаҳр рафт, хабар доданд ба АМИТ «Ховар» дар бахши матбуоти мақомоти иҷроияи ҳокимияти давлатии шаҳри Кӯлоб.
Сараввал Бахтиёр Назарзода барои аёдат ба хонаи истиқоматкунандаи деҳаи Ёхсучиёни Ҷамоати деҳоти «Даҳана»-и шаҳри Кӯлоб, собиқадори меҳнат Райҳонбӣ Нозимова рафт. Бахтиёр Назарзода ин момои табаррукро ба муносибати Рӯзи Модар ва ба синни мубораки 107 расиданаш табрик гуфта, ба ӯ аз номи Президенти Ҷумҳурии Тоҷикистон муҳтарам Эмомалӣ Раҳмон ва мақомоти иҷроияи ҳокимияти давлатии шаҳри Кӯлоб туҳфаҳои хотиравӣ ҳадя намуд. Мавриди зикр аст, ки Райҳонбӣ Нозимова солҳои тӯлонӣ умри хешро сарфи корӣ деҳқонӣ намуда, дар пешрафти соҳаи кишоварзӣ ва тарбияи наврасону ҷавонон саҳми назаррас гузоштааст.
Сипас иҷрокунандаи вазифаи раиси шаҳри Кӯлоб собиқадори меҳнат Шаҳзода Мирзоеваро аёдат намуда, аз ҳолу рӯзгораш пурсон шуд. Ҳоло ин момои табаррук дар синни мубораки 102 қарор дорад.
Дар идома Бахтиёр Назарзода ба аёдати сокини шаҳри Кӯлоб Гулизор Тоҳирова рафта, бо ӯ суҳбати гарму самимӣ анҷом дод. Зикр шуд, ки саҳми бонувон ва модарони шаҳри Кӯлоб дар пешрафту нумуи соҳаҳои гуногун назаррас мебошад. Бахтиёр Назарзода меҳнату заҳматҳои Гулизор Тоироваро нек арзёбӣ намуда, ба ӯ Сипоснома ва туҳфаҳои идона тақдим намуд.
Ҳамчунин раиси шаҳри Кӯлоб ба аёдати собиқадорони меҳнат Эронбӣ Саидова, Исқолбӣ Маҷидова ва чанде дигар рафта, аз кору рӯзгорашон пурсон гардида, ба онҳо туҳфаҳои хотиравӣ тақдим намуд.
АКСҲО: мақомоти иҷроияи ҳокимияти давлатии шаҳри Кӯлоб
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
