Дар соҳили дарёи Хонақоҳи Ҳисор Маҷмааи варзишию солимгардонӣ ба истифода дода мешавад
ДУШАНБЕ, 31.03.2022 /АМИТ «Ховар»/. Интизор меравад, ки соли равон дар Ҷамоати деҳоти Хонақоҳи Кӯҳии шаҳри Ҳисор Маҷмааи варзишию солимгардонӣ мавриди истифода қарор дода шавад. Дар ин бора АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад.
Иншооти мазкур дар мавзеи хушобу ҳавои Алмосӣ дар соҳили дарёи Хонақоҳ бунёд гардида, алҳол корҳои сохтмонӣ дар иншооти ҷашнии Маҷмааи варзишию солимгардонӣ босуръат идома доранд.
Маҷмааи варзишию солимгардонӣ аз се ошёна ва таҳхона иборат буда, дар он 14 ҳуҷра барои қабули меҳмонони хориҷӣ ва дохилӣ пешбинӣ шудаю дар як вақт ба 60 нафар хизмат расонида мешавад.
Ҳамчунин дар дохили бино ошхонаи муосир барои хӯрокҳои 
тезтайёр, толор барои варзиши бадан, кошонаи ҳусн ва ҳуҷраи омӯзишӣ барои футболбозон дар назар дошта шудааст.
Корҳои сохтмонӣ дар иншооти ҷашнӣ соли 2020 оғоз гардида, 25 нафар сокинони маҳаллӣ давоми ду сол бо кори муваққатӣ ва маоши хуб таъмин шуданд.
Иҷрокунандаи Раиси шаҳри Ҳисор Қосим Роҳбар зимни сафари корӣ ба Ҷамоати деҳоти Хонақоҳи Кӯҳӣ бо ҷараёни корҳои сохтмонӣ дар ин иншоот аз наздик шинос гардида, барои вусъати корҳои сохтмонӣ ва бо сифати баланд анҷом додани он ба соҳибкорон дастурҳои мушаххас дод.
АКСҲО: Мақомоти иҷроияи хокимияти давлатии шаҳри Ҳисор
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
