ИҚДОМИ ШОИСТА. Муҳаммад ғалабаи худро ба модарон бахшид ва аввалин шоҳҷоизаи худро ба ятимон тӯҳфа кард
ДУШАНБЕ, 08.03.2022 /АМИТ «Ховар»/. Дар арафаи Рӯзи Модар 26-уми феврали соли равон дар маҳаллаи Саидалӣ Вализодаи ноҳияи Темурмалик мусобиқаи гӯштини миллӣ баргузор гардид. Чорабинии мазкур бо сарпарастии соҳибкорони ноҳия ташкил карда шуд, ки дар он варзишгарони номдори Тоҷикистон ва Узбекистон ширкат намуданд, хабар медиҳад halva.tj.
Паҳлавонони майдонро дар фарҷоми гӯштин ду Шоҳҷоиза (автомобил) интизор буд. Инчунин бо талабу дархости мухлисон ба номи паҳлавонон Саидшоҳ (аз ноҳияи Восеъ) ва Муҳаммад (аз ноҳияи Темурмалик), ки дар майдони мазкур ҳарду ҳам 4-нафариро мағлуб намуда буданд, як шоҳҷоиза гузошта шуд. Натиҷаи мусобиқаи ин ду варзишгар бо ғолибияти Муҳаммад ҷамъбаст гардид. Сипас Муҳаммад бо садои баланд ба тамошогарон муроҷиат намуд ва гуфт:
«Мухлисони азиз, суханони шумо ва кафкӯбиҳоятон ба рӯҳияи ман таъсиргузор буд ва маҳз бо дастгириҳои шумо ман соҳиби ин Шоҳҷоиза гардидам. Аз ҳамаатон сипосгузорам! Зинда ва муваффақ бошед. Ман ин ғалабаи худро ба модарони азизамон мебахшам ва ин автомобилро ба Мактаб-интернати ятимони деҳаи Танобчии ноҳияи Темурмалик тӯҳфа мекунам!».
Бо шунидани ин суханон мавҷи кафкӯбию санохонии ҳозирин аз нав ба фазо печид: «Аҳсант!», «Офарин!», «Ҳалотат бод!».
Муҳаммад 19 сол дошта, ин шоҳҷоизаро дар майдони қуввасанҷӣ нахустин ва ин ғолибияташро дар ҳаёти худ муҳимтарин арзёбӣ намуд.
АКС: halva.tj
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
