Имрӯз Муҳаммадхуҷа Яқубов баҳри дарёфти унвони номзад ба чемпиони ҷаҳон бо ҳарифи амрикоияш рақобат мекунад
ДУШАНБЕ, 18.03.2022 /АМИТ «Ховар»/. Имрӯз, 18 март дар шаҳри Дубай дар доираи сабқати Probellum Evolution муштзани маъруфи тоҷик Муҳаммадхуҷа Яқубов (18-0) ва О’Шаки Фостери амрикоӣ (18-2) баҳри дарёфти унвони номзад ба чемпиони ҷаҳон аз рӯи фарзияи WBC вориди ринг мешаванд. Дар ин бора шореҳи варзиш Муродалӣ Тешаев ба АМИТ «Ховар» хабар дод.
Рақобати варзишгарон аз рӯи вазни дуюми миёнаи сабук (59 кг) баргузор мешавад. Муҳаммадхуҷа Яқубови тоҷикистонӣ кайҳо боз зери фарзияи WBC рақобат мекунад – соли 2018 ӯ қаҳрамони байналмилалии Шӯрои муштзанони умумиҷаҳонӣ (WBC) шуда, панҷ маротиба муваффақона унвонашро дифоъ намуд, ки ду маротибаашон ба соли қаблӣ иттифоқ афтод. Фостер соҳиби унвони чемпиони Шӯрои умумиҷаҳонии муштзанон (WBC) дар соли 2019 буда, як маротиба унвонашро дифоъ намудааст.
Дар мавриди рақобат Яқубов ва Фостер дар Конвенсияи ҳарсолаи 59-умини WBC ба мувофиқа расида буданд.
Мавриди зикр аст, ки Муҳаммадхуҷа Яқубов муштзани касбиест, ки айни ҳол дар Русия зиндагиву тамрин менамояд. Ин варзишгар дорандаи якчанд унвонҳои минтақавӣ ва миёни ҷавонон аз рӯи фарзияҳои WBC, WBA, IBF ва WBO мебошад.
Дар оғози баргузории рақобат Яқубов ва Фостер муваффақона рафти вазнкаширо паси сар намуданд. Маълум гардид, ки намояндаи RCC Boxing Promotions Муҳаммадхуҷа Яқубов (18-0) 58,8 кг ва Фостер — 58,85 кг вазн дорад.
АКС: ТВ «Варзиш»
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
