Муовини Сарвазири Тоҷикистон Сулаймон Зиёзода ба шаҳри Панҷакент сафари корӣ анҷом дод
ДУШАНБЕ, 26.03.2022 /АМИТ «Ховар»/. Дар доираи сафари корӣ ба вилояти Суғд муовини Сарвазири Ҷумҳурии Тоҷикистон Сулаймон Зиёзода аз шаҳри Панҷакент боздид кард. Зимни сафар ӯро директори Агентии беҳдошти замин ва обёрии Ҷумҳурии Тоҷикистон Раҳмон Холмурод, Раиси шаҳри Панҷакент Абдухолиқ Холиқзода ва дигарон ҳамроҳӣ намуданд. Дар ин бора АМИТ «Ховар» бо истинод ба мақомоти иҷроияи маҳаллии ҳокимияти давлатии шаҳри Панҷакент хабар медиҳад.
Зимни боздид иттилоъ дода шуд, ки дар шаҳри Панчакент бо мақсади амали намудани дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти самаранок истифода бурдани заминҳои кишоварзӣ ва гирифтани 2-3 ҳосил давоми сол тадбирҳои судманд амалӣ мегарданд.
Ҷиҳати бо оби полезӣ таьмин намудани наздик ба 200 гектар заминҳои кишоварзии мавзеи Дашти Қозии Ҷамоати деҳоти Ёрӣ сохтмони пойгоҳи обкашӣ моҳи декабри соли 2021 оғоз ёфта, бо маблағгузории мақомоти иҷроияи ҳокимияти давлатии вилояти Суғд сохта шуда истодааст.
Дар замини обёришаванда аз ҷониби хоҷагиҳои инфиродии Ҷамоати деҳоти Ёрӣ боғҳои гуногун бунёд гардида, ниҳолҳои чормағз, зардолу, себ ва токи ангури тоифӣ парвариш карда мешаванд.
Муовини Сарвазир Сулаймон Зиёзода аз рафти корҳои сохтмонии фермаи моли калони шохдори соҳибкор Масрур Савриев дидан намуд.
Фермаи мазкур барои парвариши 100 сар чорво ба нақша гирифта шуда, асосан барои парвариши чорвои гӯштӣ пешбинӣ гардидааст.
Сулаймон Зиёзода барои саривақт ва бо сифати аъло анҷом додани корҳо ва кабудизоркунии гирду атроф ба масъулин дастуру супоришҳои мушаххас дод.
Дар идомаи боздид муовини Сарвазир бо вазъи пойгоҳҳои обкашии «Дупула» ва «Ёрӣ 1» шинос шуда, ба масъулин ҷиҳати саривақт таъмин намудани оби полезӣ ба хоҷагидорон дастур дод.
АКСҲО: Мақомоти иҷроияи маҳаллии ҳокимияти давлатии шаҳри Панҷакент
ШУМОРАИ ХОҶАГИҲОИ ТУХМИПАРВАРӢ ДАР ТОҶИКИСТОН БА 128 АДАД РАСИД. Аммо норасоии тухмии зироати кишоварзӣ то ба ҳол боқӣ аст
Дар ноҳияи Шаҳристон кишти картошка идома дорад
Дар шаҳри Гулистон 6 коргоҳу корхонаи нави саноатӣ ба истифода дода мешавад
Имсол кишоварзони Тоҷикистон дар зиёда аз 440 ҳазор гектар кишти баҳории зироат мегузаронанд
Дар шоҳроҳи Обигарм-Нуробод дарозтарин пул бунёд мешавад
Директори идории Хазинаи байналмилалии асъор Кристалина Георгиева бо ҷараёни корҳо дар Неругоҳи барқи обии «Роғун» шинос шуд
Имсол дар ноҳияи Панҷи вилояти Хатлон ҳосили картошка фаровон аст
Директори идории ХБА Кристалина Георгиева: «Орзу дорам, ки ормони тоҷикон оид ба пурра ба кор даромадани НБО «Роғун» ҳарчӣ зудтар амалӣ гардад»
Парлумон Созишномаи қарзӣ байни Ҳукумати Тоҷикистон ва AIIB-ро барои сохтмони роҳи мошингарди «Обигарм-Нуробод» ба тасвиб расонд
Дар ноҳияи Ҷайҳун 4967 гектар пунбадона бо усули муосир кишт карда шуд
Дар шаҳри Конибодом Форуми таълимии соҳибкории G5 баргузор гардид
Директори идории Хазинаи байналмилалии асъор иқтисоди Тоҷикистонро хеле устувор ва ба самти дуруст рушдёбанда арзёбӣ намуд
