Ҳамкории Тоҷикистон ва Узбекистон дар соҳаи истифодаи оқилонаи захираҳои обӣ баррасӣ гардид
ДУШАНБЕ, 29.04.2022 /АМИТ «Ховар»/. Имрӯз, 29 апрел бо ташаббуси Маркази тадқиқоти стратегии назди Президенти Ҷумҳурии Тоҷикистон ва Пажӯҳишгоҳи байналмилалии Осиёи Марказии Ҷумҳурии Узбекистон таҳти унвони «Ҳамкории Тоҷикистону Узбекистон дар соҳаи истифодаи оқилонаи захираҳои обӣ» конфронси маҷозии байналмилалӣ баргузор гардид. Дар ин бора ба АМИТ «Ховар» дар Маркази тадқиқоти стратегӣ хабар доданд.
Директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода ва директори Пажӯҳишгоҳи байналмилалии Осиёи Марказии Ҷумҳурии Узбекистон Анвар Насиров иштирокчиёни ҳамоишро хайрамақдам гуфта, мавзӯи баррасишавандаро муҳим ва арзишманд арзёбӣ карданд.
Аз ҷумла, иброз гардид, ки истифодаи оқилонаи об масъалаи муҳим ва мубрами рӯз на танҳо барои Тоҷикистон ва Узбекистон, балки барои минтақаи Осиёи Марказӣ мебошад. Бинобар ин, ҳифзи захираҳои обӣ, пешгирии обшавии пиряхҳо, кишт намудани навъҳои зироати оби кам талабкунанда, ҷорӣ намудани воситаҳои каммасрафи истифодаи об, махсусан усули қатравӣ дар соҳаи кишоварзӣ ва ғайра ҷиҳати истифодаи оқилонаи об хеле зарур ва саривақтӣ мебошад. Зарур аст, ки дар Тоҷикистону Узбекистон ва дигар кишварҳои минтақа ба ҳалли мушкилоти ин соҳа таваҷҷуҳи хос зоҳир карда шавад.
Иштирокчиёни ҳамоиш вазъ ва дурнамои ҳамкории мутақобилан судманди истифодаи оқилонаи обро дар Тоҷикистон ва Узбекистон мавриди баррасӣ ва арзёбӣ қарор дода, ҳамоҳангсозии амалу фаъолият, табодули иттилоот, таҳкими ҳамкориро дар ин самт муҳим донистанд.
Конфронси маҷозии байналмилалиро директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода ва директори Пажӯҳишгоҳи байналмилалии Осиёи Марказии Ҷумҳурии Узбекистон Анвар Насиров ҷамъбаст ва натиҷагирӣ намуданд.
Акс: МТС ҶТ
Идибек Қаландар дар Муколамаи сатҳи баланди сиёсӣ ва амниятии Иттиҳоди Аврупо ва Осиёи Марказӣ иштирок намуд
Сафири Тоҷикистон дар Давлати Кувайт бо Дабири кулли Муколамаи ҳамкории Осиё мулоқот намуд
Мероси Мир Сайид Алии Ҳамадонӣ дар нишасти байналмилалӣ дар Теҳрон баррасӣ гардид
Мусоҳибаи Сафири Ҷумҳурии Тоҷикистон дар Салтанати Умон Зубайдулло Зубайдзода бо рӯзномаи «Умон»
Идибек Қаландар бо муовини Дабири кулли Хадамоти амалиёти хориҷии Аврупо мулоқот намуд
Дар Теҳрон масоили рушди ҳамкории Тоҷикистон ва Эрон дар соҳаи нақлиёт баррасӣ гардид
Қоҳир Расулзода ҳамдардии амиқи Ҳукумат ва мардуми Тоҷикистонро ба давлат ва мардуми Давлати Қатар иброз намуд
Таҳкими ҳамкорӣ байни сохторҳои дахлдори иқтисодии Тоҷикистон ва Умон баррасӣ шуд
Дар Ню-Йорк натиҷаҳои Конфронси чоруми байналмилалии сатҳи баланд оид ба об дар Душанбе муаррифӣ шуданд
Дар Масқат рушди ҳамкории Тоҷикистону Умон дар соҳаҳои гуногун баррасӣ шуд
Сафири Тоҷикистон бо роҳбари Раёсати Осиё ва Уқёнуси Ороми Вазорати корҳои хориҷии Олмон мулоқот намуд
Қатъномаи СММ оид ба «Даҳсолаи байналмилалии таҳкими сулҳ ба хотири наслҳои оянда» дар Вена муаррифӣ гардид
