Дар Душанбе лоиҳаи Созишнома миёни Тоҷикистон ва Корея оид ба ёрии байниҳамдигарӣ дар фаъолияти гумрукӣ мавриди муҳокима қарор гирифт
ДУШАНБЕ, 20.04.2022 /АМИТ «Ховар»/. Дар Душанбе мулоқоти Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода ва Сафири Фавқулода ва Мухтори Ҷумҳурии Корея дар Ҷумҳурии Тоҷикистон Квон Дон Сок баргузор гардид, ки зимни он мусоҳибон доир ба таҳкими ҳамкории ду давлат дар бахши фаъолияти гумрукӣ суҳбат намуданд, иттилоъ доданд ба АМИТ «Ховар» дар Хадамоти гумруки назди Ҳукумати Ҷумҳурии Тоҷикистон.
Мусоҳибон дар радифи баррасии тақвияти ҳамкории гумрукӣ масъалаҳои баимзорасонии лоиҳаи Созишнома миёни Ҳукумати Ҷумҳурии Тоҷикистон ва Ҳукумати Ҷумҳурии Корея оид ба ёрии байниҳамдигарӣ дар фаъолияти гумрукӣ ва самаранокии истифодаи зернизоми Идораи таваккали Низоми иттилоотии автоматонидашудаи ягонаи Хадамоти гумрукро матраҳ намуданд.
Баимзорасонӣ ва татбиқи ин санад ҳамкории мутақобилан судмандро густариш дода, барои содагардонии амалиёти воридотию содиротӣ, додугирифти маълумоти гумрукӣ, пешгирии ҳолатҳои вайронкунии қоидаҳои гумрукӣ, расонидани ёрии амалии мутақобила ва оғози лоиҳаҳои дигари кумакҳои техникӣ дар самтҳои фаъолияти гумрукӣ шароити мусоид фароҳам меорад.
Зернизоми Идораи таваккали Низоми иттилоотии автоматонидашудаи ягонаи Хадамоти гумрук бо дастгирии молиявии Ҷумҳурии Корея таъсис ёфта, моҳи сентябри соли 2021 зимни сафари Комиссари Хадамоти гумруки Ҷумҳурии Корея Лим Ҷэй Ҳён ба Ҷумҳурии Тоҷикистон расман ба истифода дода шуд.
Дар айни замон зернизоми мазкур самаранок фаъолият намуда, барои ҷилавгирии вайронкунии қоидаҳои гумрукӣ заминаи мусоид фароҳам овардааст.
АКСҲО: Хадамоти гумруки назди Ҳукумати Ҷумҳурии Тоҷикистон
Татбиқи «Стратегияи рушди соҳаи алоқаи Ҷумҳурии Тоҷикистон барои давраи то соли 2040» баррасӣ гардид
Масъалаи таҳвили нафт ва маҳсулоти нафтӣ аз Эрон ба Тоҷикистон баррасӣ шуд
Сарвазири Гурҷистон аз Намоишгоҳи молу маҳсулоти кишоварзӣ ва саноати хӯроквории Тоҷикистон боздид намуд
Дар Бишкек масъалаи татбиқи лоиҳаи Хати лӯлаи гази транзитии «Осиёи Марказӣ – Чин» баррасӣ шуд
Байни Тоҷикистон ва Гурҷистон Ёддошти тафоҳум оид ба ҳамкорӣ дар соҳаи кишоварзӣ ба имзо расид
Муколамаи вазирони энергетика дар қолаби «Русия + Осиёи Марказӣ» баргузор шуд
Байни Тоҷикистон ва Гурҷистон Созишнома ҳамкорӣ дар соҳаи алоқаи ҳавоӣ ба имзо расид
Муовини Сарвазири Тоҷикистон бо фаъолияти кишоварзони ноҳияи Бобоҷон Ғафуров шинос шуд
Вазирони энергетикаи Тоҷикистон ва Қирғизистон лоиҳаҳои «CASA-1000» ва «REMIT»-ро дар Бишкек баррасӣ намуданд
Дар Намоишгоҳи байналмилалии савдо ва сармоягузории «Суғд – 2026» беш аз 200 ширкати ватанӣ иштирок намуданд
Дар Тоҷикистон низоми муосири электронии мубодилаи сертификатҳои фитосанитарӣ татбиқ мегардад
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ дар соли 2026 баргузор шуд
