ДАР ПАРТАВИ ҲИДОЯТҲОИ ПЕШВОИ МИЛЛАТ. Дар Тоҷикистон ба 300 оила кумаки башардӯстона расонида шуд
ДУШАНБЕ, 27.04.2022 /АМИТ «Ховар»/. Дар партави ҳидоятҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба дасти ёрӣ дароз намудан ба қишри ниёзманди аҳолӣ имрӯз Ҷамъияти Ҳилоли Аҳмари Тоҷикистон (ҶҲАТ) бо дастгирии Ҷамъияти Ҳилоли Аҳмари Қатар (ҶҲАҚ) ба 300 нафар дар шакли бастаи маводи хӯрокворӣ кумаки хайриявӣ расонид. Дар ин бора ба АМИТ «Ховар» дар маркази иттилоти ҶҲАТ хабар доданд.
Бастаи маводи хӯрокворӣ аз орд (50 кг), равғани растанӣ (3 л) ва дигар маҳсулоти мавриди ниёзи аввал (16,4 кг) иборат буда, тавассути кормандон ва волонтёрони ҶҲАТ ба Филиали ташкилоти ҷамъиятии «Ҷамъияти нобиноёни Тоҷикистон» (100 баста), Ассотсиатсияи дерматовенерологҳо ва косметологҳои Тоҷикистон (50 баста), Ташкилоти ҷамъиятии хайриявии «Сипарони Ватан»-и ноҳияи Данғара (20 баста), Мактаб-интернати хонандагони лаёқатманди ноҳияи Восеъ (20 баста), ноҳияи Рӯдакӣ (20 баста), ноҳияи Ёвон (20 баста), Муассисаи давлатии «Хона-интернати беморони рӯҳӣ»-и ноҳияи Ҷаббор Расулов (15 баста) ва ба 55 нафар шаҳрвандон дар асоси аризаи пешниҳодкардаашон расонида шуд.
Бояд тазаккур дод, ки ҶҲАҚ яке аз шарикони боэътимоди ҶҲАТ ба ҳисоб рафта, дар доираи татбиқи лоиҳаи дигар рӯзҳои наздик расонидани кумаки башардӯстона дар шакли бастаҳои сару либос, таҷҳизоти гармидиҳӣ ва кампалҳо ба 150 оила дар ноҳияҳои Балҷувон, Шамсиддини Шоҳин ва Сангвор дар назар аст.
Қобили зикр аст, ки дастгирии ниёзмандон, аз ҷумла маъюбон, маризон, пиронсолони яккаву танҳо, ятимону бепарасторон ва дигар табақаҳои ниёзманди аҳолӣ яке аз ҳадафҳои асосии фаъолияти башардӯстонаи Ҷамъияти Ҳилоли Аҳмари Тоҷикистон ба хисоб рафта, ҷамъият дар ин самт ҳамеша барои дастгирии онҳо тадбирҳои саривақтӣ меандешад.
ДАР АКС: Ҷараёнти тақсими кумак ба нобиноён дар Филиали ташкилоти ҷамъиятии «Ҷамъияти нобиноёни Тоҷикистон». Акс: Маркази иттилоти ҶҲАТ
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
