ДАР РАМАЗОН ИНФИҶОР ВА…ЧАШМОНИ АШКБОР. Бар асари ду таркиш дар Кобул беш аз 20 нафар мактаббачагон ҷон бохтанд

Апрель 20, 2022 11:41

ДУШАНБЕ, 20.04.2022 /АМИТ «Ховар»/.  Бар асари чанд таркиши рӯзи 19 апрел дар Кобул дастикам 20 нафар кушта шуданд хабар медиҳад АМИТ «Ховар» бо истинод ба хабаргузории маҳаллии «Aamaj News».   

Бино  ба гузориши шабакаи телевизионии «Кabul News», бо истинод ба шоҳидони айнӣ, бар асари таркишҳо дар Кобул дастикам 20 мактаббача кушта ё захмӣ шудаанд.  Мақомоти Афғонистон дар бораи шумори қурбониёни таркишҳо то ҳол назаре ироа накардаанд.

Ба иттилои манбаъ, шумораи бештари қурбониён пас аз ду таркиши пай дар пай дар назди мактаби Абдулраҳим, дар қисмати ғарбии ин шаҳр ба қайд гирифта шудааст.

Аммо Холид Задрон, сухангӯи Департаменти амнияти Кобул дар робита ба ҳодисаи мазкур гуфтааст, ки “дар ҳоли ҳозир бар асари таркишҳо дар Кобул шаш нафар кушта ва 11 нафари дигар захмӣ шудаанд”.

Қаблан ӯ ҳамчунин хабар дода буд, ки дар пойтахти Афғонистон се таркиш ба амал омадааст. Ҳама таркишҳо дар назди муассисаҳои таълимӣ рух додаанд.

Зикр карда мешавад, ки таркишҳо ҳангоми берун рафтани  толибилмон  аз бинои мактаб рух додаанд. Дар бораи сабаби таркишҳои дигар ҳанӯз маълумоте дар даст нест.

Ин дар ҳолест, ки  имрӯз рӯзи 18-уми моҳи шарифи Рамазон аст ва бино ба таълимоти Ислом ин рӯзҳо бояд корҳои неку шоиста анҷом дода шаванд. Вале инак чандин сол аст, ки мо мебинем маҳз дар  моҳи Рамазон террористони манқурттиннат ва дигар тундравони ба ном «исломӣ», ки худро  мусалмон меҳисобанд, ба қатлу кушттори бемаънии ҳамдинону ҳаммазҳабон ва ҳаммилатони  худ даст мезананд.  Аз ҷумла як чунин амали террористӣ 20 ноябри соли 1979 , дар рӯзи моҳи шарифи Рамазон дар наздикии муқаддастарин ҷои мусалмонон  — масҷиди ал-Ҳарами Макка  рух дода буд, ки бар асари он дастикам 255 нафар ҳалок гардиданд.

                                                       АКС аз манбаҳои боз

Апрель 20, 2022 11:41

Хабарҳои дигари ин бахш

Дар Душанбе масъалаи муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом баррасӣ гардид
Дар Хоруғ гурӯҳи кории корманд-занони мақомоти ҳифзи ҳуқуқ ва сохторҳои таъмини амният дар Бадахшон қадрдонӣ шуд
Дар Хатлон марҳилаи якуми амалиёти «Нелегал-2022» идома дорад
Ҷаласаи навбатии Шӯрои вазирони адлияи давлатҳои иштирокчии ИДМ дар Тоҷикистон доир мешавад
Музаффар Ашуриён бо Вазири адлияи Русия Константин Чуйченко мулоқот намуд
АМАЛИЁТИ «КОРД». Дар Душанбе фурӯшандагони силоҳи сард дастгир гардиданд
Бо мақсади баланд бардоштани маърифати ҳуқуқии афсарон ҳамоиши методӣ-таълимӣ баргузор гардид
ДАР АФҒОНИСТОН БОЗ МУСИБАТ. Бар асари заминларза беш аз ҳазор нафар ба ҳалокат расиданд, СММ аз ҷомеаи ҷаҳонӣ даъват кард, ки дар робита ба фоҷеа ба ин кишвар кумак намоянд
Қонуни Ҷумҳурии Тоҷикистон «Дар бораи истеҳсолоти иҷро» дар таҳрири нав таҳия гардид
ДАР АФҒОНИСТОН ЗАМИНЛАРЗАИ ШАДИД РУХ ДОД. 280 нафар ба ҳалокат расида, беш аз 600 кас ҷароҳат бардоштанд
КОРВОНИ ЗИДДИМУХАДДИРОТӢ — 2022. Таҳти ин унвон дар як қатор шаҳрҳои Тоҷикистон чорабиниҳои фарҳангӣ-фароғатӣ ва варзишӣ гузаронида мешаванд
Насрулло Маҳмудзода дар ҷаласаи котибони шӯроҳои амнияти кишварҳои узви СААД дар Ереван ширкат варзид