«DUSHANBE CUP». Ғолибони Мусобиқаи байналмилалии теннис миёни наврасон муайян гардиданд
ДУШАНБЕ, 26.04.2022 /АМИТ «Ховар»/. Аз 18 то 22 апрел дар шаҳри Душанбе бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Федератсияи тенниси Тоҷикистон Мусобиқаи байналмилалии теннис миёни наврасон «Dushanbe Cup» дар сатҳи баланд баргузор шуд. Дар ин бора корманди Федератсияи тенниси Тоҷикистон Абдурасул Муҳиддинов ба шореҳи варзиши АМИТ «Ховар» хабар дод.
Дар мусобиқаи мазкур зиёда аз 128 варзишгар аз Тоҷикистон, Қазоқистон, Узбекистон, Туркия, Эрон, Дания, ИМА, Исроил, Ҳиндустон, Фаронса, Малайзия, Белгия, Украина, Чин ва Олмон иштирок карданд.
Дар натиҷа, дар рақобатҳои инфиродӣ миёни писарон ҷои аввалро варзишгари навраси тоҷик Сомон Амонов ба даст овард. Ҷои дуюм насиби Анатолий Тсибулко (Қазоқистон), ҷои сеюмро Саидамир Саидазимов (Узбекистон) сазовор гардид.
Миёни духтарон ҳар се ҷои ифтихориро намояндагони Узбекистон сазовор шуданд. Вероника Лян ҷои аввал, Кейра Ким ҷои дуюм, Муслимахон Турдимуродова ҷои сеюмро гирифтанд. Дар мусобиқаи ҷуфтӣ миёни писарон ҷуфти Сомон Амонов (Тоҷикистон) / Анатолий Тсибулко (Қазоқистон) мақоми аввалро ишғол намуданд. Ҷуфти Комрон Икромов/Саидамир Икромов (Узбекистон) ҷои дуюмро сазовор гардид. Миёни духтарон ҷуфти Кейра Ким / Олеся Петрова (Узбекистон) ҷои якум, ҷуфти Муслимахон Турдимуродова / Вероника Ҷепарова (Узбекистон) ҷои дуюмро ишғол намуданд.
Ба иттилои корманди Федератсияи тенниси Тоҷикистон Абдурасул Муҳиддинов, давоми сол дар шаҳри Душанбе мусобиқаҳои дигари сатҳи байналмилалӣ миёни наврасону ҷавонон ба нақша гирифта шудаанд, ки ҳамагӣ ба тақвими мусобиқоти Федератсияи байналмилалии теннис ворид шуда, рейтингӣ ҳастанд. Аз ҷумла 23 апрел мусобиқаи байналмилалии «Dushanbe Open» миёни наврасони то 14-сола шурӯъ гардид, ки то 28 апрел идома меёбад.
Моҳи май ду мусобиқа миёни ҷавонони то 18-сола доир хоҳад шуд – «Tajikistan Open» (2-7 май) ва Ҷоми Федератсияи тенниси Тоҷикистон (9-14 май).
Ёдовар мешавем, ки аз 8 то 13 августи соли равон баргузории Ҷоми Президенти Тоҷикистон оид ба теннис, 15-20 август «Dushanbe Open», 3-8 октябр «Dushanbe Cup» ва 10-15 октябр «Somoni Cup» миёни ҷавонони то 18-сола дар назар аст.
АКС аз КМО Тоҷикистон
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
