ЛИГАИ ЧЕМПИОНҲОИ КФО. «Истиқлол» дар бозии охирин бар дастаи «Шарҷа» ғолиб омад
ДУШАНБЕ, 28.04.2022 /АМИТ «Ховар»/. Шаби 27 ба 28 апрел дастаи футболи «Истиқлол»-и шаҳри Душанбе-чемпиони Тоҷикистон дар бозии ниҳоии марҳилаи гурӯҳии Лигаи чемпионҳои КФО-2022 дар гурӯҳи «А» бо дастаи футболи «Шарҷа»-и Амороти Муттаҳидаи Араб рақобат карда, бо ҳисоби 2:0 ғолиб омад, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Аз ин пеш дастаи футболи «Истиқлол»-и шаҳри Душанбе дар даври гурӯҳии Лигаи чемпионҳои КФО-2022 бозии панҷумашро анҷом дод. Дастаи Виталий Левченко дар даври панҷум бо дастаи футболи «Ал-Райян»-и Қатар қувва санҷида, дар лаҳзаҳои охирини рақобат бо ҳисоби 1:0 мағлуб гардид.
Хотиррасон мешавем, ки шаби 19 ба 20 апрел чемпиони Тоҷикистон- дастаи футболи «Истиқлол»-и шаҳри Душанбе дар бозии даври чоруми марҳилаи гурӯҳии Лигаи чемпионҳои КФО-2022 бо пешсафи гурӯҳи «А» — дастаи футболи «Ал-Ҳилол»-и Арабистони Саудӣ рақобат карда, бо ҳисоби 0:3 мағлуб гардид ва имкони аз гурӯҳ баромаданро аз даст дод.
Аз ин пеш дастаи футболи «Истиқлол»-и шаҳри Душанбе дар доираи бозиҳои даври сеюми гурӯҳии Лигаи чемпионҳои КФО-2022 аз дастаи «Ал-Ҳилол»-и Арабистони Саудӣ бо ҳисоби 1:0 мағлуб гардида буд. Дастаи футболи «Истиқлол»-и шаҳри Душанбе дар бозии даври дуюми марҳилаи гурӯҳии Лигаи чемпионҳои КФО-2022 аз дастаи «Шарҷа»-и Амороти Муттаҳидаи Араб бо ҳисоби 2:1 мағлуб гардида буд. Аз ҳайати дастаи «Истиқлол»-и шаҳри Душанбе голи ягонаро капитани даста Манучеҳр Ҷалилов дар дақиқаи 29-уми бозӣ ба нишон расонид. Голҳои дастаи «Шарҷа»-и Амороти Муттаҳидаи Арабро Кайо Лукас Фернандес дар дақиқаи 54 ва Бернард Анисио дар дақиқаи 57 ба ҳадаф расониданд.
Чанд рӯз пеш дастаи футболи «Истиқлол»-и шаҳри Душанбе дар бозии нахустинаш дар марҳилаи гурӯҳии Лигаи чемпионҳои Конфедератсияи футболи Осиё (КФО)-2022 дар гурӯҳи «А» аз дастаи «Ал-Райян»-и Қатар бо ҳисоби 2:3 мағлуб шуд. Голҳоро дар ҳайати дастаи «Истиқлол» Шаҳром Сулаймонов ва легионери узбекистонӣ Муҳаммад Исоев ба нишон расониданд. Дастаҳои футболи «Ал-Ҳилол»-и Арабистони Саудӣ ва «Ал-Райян»-и Қатар аллакай аз гурӯҳи дастаи футболи «Истиқлол»-и шаҳри Душанбе соҳиби роҳхати марҳилаи плей-офф шуданд.
Ёдовар мешавем, ки дастаи футболи «Истиқлол»-и шаҳри Душанбе мусобиқаи Лигаи чемпионҳои КФО-2022-ро бо се имтиёз анҷом дода, ва имконияти аз гурӯҳ баромаданро аз даст додааст.
Мавқеи дастаҳо дар ҷадвали мусобиқаи гурӯҳи «А»
| Ҷ | ДАСТАҲО | Б | Ғ | М | Б | Т/Т | И |
| 1 | «Ал-Ҳилол»-и Арабистони Саудӣ | 5 | 4 | 1 | 0 | 11-3 | 13 |
| 2 | «Ал-Райян»-и Қатар | 5 | 3 | 1 | 1 | 8-7 | 10 |
| 3 | «Шарҷа»-и Амороти Муттаҳидаи Араб | 5 | 1 | 2 | 2 | 7-9 | 5 |
| 4 | «Истиқлол»-и Тоҷикистон | 6 | 1 | 0 | 5 | 5-10 | 3 |
АКС: ФФТ
Дар Душанбе оид ба омӯзиши арзишҳои олимпӣ ҳамоиш баргузор гардид
Ҳайати дастаи мунтахаби Тоҷикистон дар Чемпионати ҷаҳон оид ба бокс дар Дубай иштирок мекунад
Дар «Tokyo Grand Slam 2025» оид ба гӯштини ҷудо аз Тоҷикистон шаш паҳлавон иштирок менамояд
Паҳлавонони ҷавони тоҷик дар мусобиқаи «Abu Dhabi Grand Slam» сазовори ду медал гардиданд
Дар шоҳроҳи ноҳияи Данғара мусобиқаи ҷумҳуриявӣ оид ба велосипедронӣ баргузор гардид
Сармураббиёни дастаҳои миллии Тоҷикистон дар ҷаласаи Шурои мураббиёни ФФТ ҳисобот доданд
Дар Душанбе ҷаласаи Кумитаи футзали Федератсияи футболи Тоҷикистон баргузор шуд
Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
