МИЛИТСИЯ-СИПАРУ ТАКЯГОҲ. Шариф Назарзода сокинони маҳаллаҳои шаҳри Хоруғро ба тақвияти ҳамкории дуҷониба даъват намуд
ДУШАНБЕ, 13.04.2022 /АМИТ «Ховар»/. Имрӯзҳо сардори Раёсати Вазорати корҳои дохилӣ дар Вилояти Мухтори Кӯҳистони Бадахшон Шариф Назарзода бо сокинони маҳаллаҳои гуногуни шаҳри Хоруғ мулоқоту суҳбатҳои озоду ошкоро доир намуда истодааст, ки ҳадафи асосии он ташкили фазои мусоиди ҳамдигарфаҳмӣ миёни аҳолӣ ва мақомоти корҳои дохилӣ мебошад.
Тавре дар Раёсати ВКД дар Вилояти Мухтори Кӯҳистони Бадахшон ба АМИТ «Ховар» хабар доданд, ин силсиламулоқот ҷиҳати тақвият бахшидан ба ҳамкории милитсия бо аҳолӣ, ҳалли муаммову проблемаҳои ҷойдошта дар маҳал, шунидани арзу дархост ва пешниҳодоти сокинон вобаста ба масъалаҳои ҷорӣ ва боло бурдани эътимоду боварии мардум ба милитсия чун сипару такягоҳ доир мегарданд.
Дар доираи ин иқдом сардори мақомоти корҳои дохилии ВМКБ Шариф Назарзода ба маҳаллаи Фурудгоҳи шаҳри Хоруғ рафта, нахустин вохӯрию суҳбати озоди худро бо сокинони маҳаллаҳои Тем, Фурудгоҳ ва Селхозтехника баргузор намуд.
Зимни мулоқот Шариф Назарзода нахуст аз сиёсати созандаву бунёдкоронаи Президенти Ҷумҳурии Тоҷикистон муҳтарам Эмомалӣ Раҳмон вобаста ба амалӣ намудани якчанд барномаву стратегияҳои давлатӣ ҷиҳати баланд бардоштани сатҳи некӯаҳволии сокинони шаҳру ноҳияҳои ВМКБ сухан гуфт.
Ӯ сипас ба масъалаҳои баланд бардоштани маърифати ҳуқуқӣ, тарбияи ҷавонону наврасон дар рӯҳияи эҳтиром ба қонун ва арзишҳои милливу фарҳангӣ, таъмини волоияти қонун, эҳтироми калонсолон дар ҷомеа, пешгирӣ намудани кирдорҳои зиддиҳуқуқӣ ва ба яке аз минтақаҳои амнтарини кишвар табдил додани Бадахшон диққати махсус зоҳир намуда, баррасии фаврии арзу шикоятҳои шаҳрвандон ва ҳалли муаммову проблемаҳои ҷойдоштаи аҳолиро аз самтҳои афзалиятноки фаъолияти мақомоти корҳои дохилии вилоят ҳисобид.
Сардори мақомоти милитсияи вилоят аҳолии маҳаллаҳоро даъват намуд, ки баҳри таъмини пурраи волоияти қонун ва тартиботи ҷамъиятӣ, пешгирӣ аз амалу кирдорҳои зиддиҷамъиятӣ бо мақомоти милитсия ҳамкории дуҷонибаро тақвият дода, барои ташкили фазои мусоиди ҳамдигарфаҳмӣ саҳми арзанда гузоранд.
Баргузории мулоқотҳои судманд дар дигар маҳаллаҳои шаҳри Хоруғ идома меёбад.
АКСҲО: Раёсати ВКД дар ВМКБ
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
Ҳабибулло Воҳидзода бо аъзои иттиҳодияи ҷамъиятии «Пайравони Пешвои миллат» вохӯрӣ намуд
Дабири кулли САҲА Фаридун Синирлиоғлу саҳми Президенти Тоҷикистон Эмомалӣ Раҳмонро дар таҳкими суботи минтақавӣ баланд арзёбӣ намуд
Ҷаласаи навбатии Шурои ҳамоҳангсозии мақомоти ҳифзи ҳуқуқи пойтахт баргузор шуд
Доир ба пурзӯр намудани мубориза бо муомилоти ғайриқонунии маводи нашъаовар вохӯрӣ баргузор гардид
