Ширкати S7 Airlines имрӯз парвозҳои мунтазамро ба Тоҷикистон аз сар мегирад
ДУШАНБЕ, 03.04.2022 /АМИТ «Ховар»/. Ширкати S7 Airlines парвозҳои мунтазамро ба Тоҷикистон аз сар мегирад, хабар медиҳад АМИТ «Ховар» бо истинод ба sakhapress.ru.
Парвозҳо аз моҳи апрел барқарор мегарданд. Шурӯъ аз имрӯз, 3 апрел парвози ҳамарӯза дар самти Москва — Хуҷанд — Москва оғоз мешавад.
Аз 4 апрел парвозҳо дар самти Новосибирск — Душанбе — Новосибирск дубора оғоз ёфта, ҳафтае 2 маротиба — рӯзҳои душанбе ва чоршанбе анҷом дода мешаванд.
Аз 5 апрел инчунин аз Новосибирск ба Бохтар ва баръакс хатсайр боз мегардад. Ширкат нақша дорад, ки ҳафтае 2 парвоз — рӯзҳои сешанбе ва чоршанбе анҷом диҳад.
Аз 7 апрел рӯзҳои панҷшанбе ва якшанбе парвози Новосибирск — Хуҷанд — Новосибирск анҷом дода мешавад.
S7 Airlines (Эс сэвэн эйрлайнс) ширкати ҳавопаймоии Русия аст, ки узви иттиҳоди ҷаҳонии авиатсионии Oneworld мебошад. Ин ширкат ҳамлу нақли ҳавоии дохиливу байналмиллалиро анҷом медиҳад ва дуввумин ширкати бузурги ҳавопаймоии Русия аст.
Идораи он дар Новосибирск ҷойгир аст. Шабакаи хатсайрҳои ширкати ҳавопаймоӣ дар заминаи пайванди нақлиёти ҳавоӣ, ки дар фурудгоҳҳои Домодедово (Москва) ва Толмачёво (Новосибирск) ҷойгир шудаанд, сохта шудааст.
Ёдовар мешавем, ки қаблан Агентии авиатсияи граждании Тоҷикистон эълон карда буд, ки ширкатҳои ҳавопаймоиро барои боло бурдани қимати парвозҳо муҷозот хоҳанд кард. Дар сурати боз боло рафтани қиматҳо, мақомоти авиатсионии Тоҷикистон ширкатҳои ҳавопаймоиро аз ҳаққи ирсоли парвоз ба Русия ва бозгашт маҳрум мекунанд.
АКС аз бойгонии АМИТ «Ховар»
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
