ТАВЗЕҲИ ПАЁМИ ПЕШВОИ МИЛЛАТ. Ба аъзои ташкилоти ибтидоии ҳизбии «Эҷод»-и АМИТ «Ховар» нуктаҳои ин ҳуҷҷати стратегӣ шарҳ дода шуданд

Апрель 20, 2022 17:19

ДУШАНБЕ, 20.04.2022 /АМИТ «Ховар»/. 20 апрел тибқи нақшаи Кумитаи иҷроияи Ҳизби Халқии Демократии Тоҷикистон (КИ ҲХДТ) дар ноҳияи Фирдавсӣ оид ба шарҳу тавзеҳи Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ, дар ташкилоти ибтидоии ҳизбии «Эҷод»-и Агентии миллии иттилоотии Тоҷикистон «Ховар»-и назди Ҳукумати Ҷумҳурии Тоҷикистон бо иштироки муовини аввали директори Агентӣ — муовини раиси ташкилот Рухсора Нурзода, раиси КИ ҲХДТ дар ноҳияи Фирдавсии шаҳри Душанбе Абдураҳим Шоҳиён ва аъзои ташкилот маҷлиси ҳизбӣ баргузор гардид.

Муовини раиси ташкилот Рухсора Нурзода ҷаласаро ифтитоҳ намуда, иброз дошт, ки «Ҳизби Халқии Демократии Тоҷикистон тӯли ин солҳо ҳамчун ташкилоти ҷамъиятии сиёсӣ дар ҷомеа нуфузи махсусро соҳиб гардида, аз оғози таъсиси худ то имрӯз дар рушди кишвари азизамон нақши сазовор гузошта истодааст».

Ҳамзамон мавсуф афзуд, ки муҳимтарин роҳи расидан ба ҳадафро Ҳизби Халқии Демократии Тоҷикистон дар баланд бардоштани сатҳи илму дониш, ҷаҳонбинии илмӣ ва дар андешаи мардум бедор намудани эҳсоси худшиносиву ватандӯстӣ ва талош варзидан барои оянда мебинад. Ташкилоти ибтидоии «Эҷод» низ талош дорад ва аз тамоми имконият истифода мебарад, то барои расидан ба ормонҳои миллии ҳизб кумак расонад.


Рухсора Нурзода тазаккур дод, ки барои ноил гардидан ба ҳадафҳои бузург, аз  ҷумла таъмини зиндагии шоистаи  мардум роҳбарият ва кормандони ҲХДТ пайваста миёни қишрҳои мухталифи ҷомеа корбарӣ намуда, ҳамеша дар канори халқ ва рӯ ба рӯ бо мардум дар гуфтугӯ ҳастанд.

Раиси КИ ҲХДТ дар ноҳияи Фирдавсӣ Абдураҳим Шоҳиён зимни шарҳу тавзеҳи нуктаҳои Паёми навбатии  Президенти Ҷумҳурии Тоҷикистон ба Маҷлиси Олӣ зикр намуд, ки Паёми Пешвои миллат ҳуҷҷати стратегиест, ки дар заминаи он дигар нақшаву барномаҳо тарҳрезӣ мегарданд. Ҳукумати мамлакат ҳадафҳои стратегии миллӣ, яъне таъмин намудани истиқлоли энергетикӣ, баромадан аз бунбасти коммуникатсионӣ ва табдил додани мамлакат ба кишвари транзитӣ, ҳифзи амнияти озуқаворӣ ва дастрасии аҳолӣ ба ғизои хушсифат, саноатикунонии босуръати мамлакат ва васеъ намудани шуғли пурмаҳсулро тадриҷан амалӣ менамояд.

«Тоҷикистон дар ҳалли мушкилоти ҷаҳон ва минтақа, аз ҷумла масъалаҳои вобаста ба об ва тағйирёбии иқлим, мубориза бо терроризму ифротгароӣ, қочоқи маводи мухаддир ва ҷинояткории муташаккили фаромиллӣ саҳми арзанда дорад. Ҳоло иқдоми чоруми Тоҷикистон – саноатикунонии мамлакат дар панҷ соли оянда ва  Даҳсолаи байналмилалии амал «Об барои рушди устувор» барои солҳои 2018-2028 дар сатҳи милливу минтақавӣ ва ҷаҳонӣ амалӣ шуда истодаанд», — гуфт Абдураҳим Шоҳиён.

Дар фарҷоми маҷлис ба ҷавононе, ки нав ба узвияти ҲХДТ қабул гардиданд, шаҳодатномаҳои ҳизбӣ супорида шуданд.

АКС: АМИТ «Ховар»

Апрель 20, 2022 17:19

Хабарҳои дигари ин бахш

Ду шабакаи телевизиони Тоҷикистон ба пахши моҳворавӣ пайваст мешаванд
ЭЙ ВАТАН, ЭЙ ТОҶИКИСТОН, ЭЙ БИҲИШТИ МАН! Шеъри тозаэҷоди Шоири халқии Тоҷикистон Камол Насрулло ба шарафи Рўзи Ваҳдати миллӣ
«САДОИ АДИБОНИ ДУНЁ ДАР ВАСФИ ТОҶИКИСТОН». Таҳти ин ном маҷмӯаи хотироти адибони ҷаҳон бо забони асл ва дар тарҷумаи тоҷикӣ ба нашр расид
«Сулҳ ройгон ба даст наомадааст, бояд ба қадраш бирасем!»,- шарҳи матбуоти даврии Тоҷикистон
Дар Осорхонаи миллии Тоҷикистон мусаввараҳои рассомони рус ба намоиш гузошта шуданд
Дар Ҳисор маҳфили эҷодии Нависандаи халқии Тоҷикистон Кароматуллоҳи Мирзо доир гардид
ШЕЪРИ ТОҶИК ДАР СУРИЯ. Дар Димишқ маҷмӯаи ашъори панҷ шоири шинохтаи Тоҷикистон ба забони арабӣ таҳти унвони «Ҳамосаи панҷгона» ба табъ расид
Пагоҳ дар саҳни Театри опера ва балети шаҳри Душанбе намоиш-фурӯши китоби «Маснавии маънавӣ»-и Ҷалолуддини Балхӣ доир мегардад
Китоби «Насими дӯстӣ»-и Абдуҷаббор Раҳмонзода аз таърихи дӯстию бародарии халқҳои тоҷику узбек ҳикоят мекунад
27 июн дар «Наврӯзгоҳ»-и шаҳри Душанбе бахшида ба Рӯзи Ваҳдати миллӣ барномаи фарҳангӣ-фароғатӣ доир мегардад
Дар Донишкадаи давлатии фарҳанг ва санъати Тоҷикистон дар мавзўи аҳамияти сулҳу ваҳдати миллӣ ҳамоиш доир карданд
«Маснавии маънавӣ» дар ду шакл бо теъдоди 10 ҳазор нусха ба нашр расид