БОКС. 4 муштзанбонуи тоҷик дар Чемпионати ҷаҳон ширкат мекунанд

Май 4, 2022 09:04

ДУШАНБЕ, 04.05.2022 /АМИТ «Ховар»/. 621 май дар шаҳри Истанбули Туркия Чемпионати ҷаҳон оид ба бокс миёни бонувон баргузор мешавад, ки дар он 4 муштзанбонуи тоҷик иштирок мекунанд. Дар ин бора ба АМИТ «Ховар» дар Кумитаи миллии олимпии Тоҷикистон хабар доданд.

Аз аввалин чемпионати ҷаҳон миёни бонувон 20 сол сипарӣ шуда, сол то сол шумораи иштирокчиён меафзояд. Дар мусобиқаи Истанбул иштироки 419 варзишгар аз 93 давлати дунё дар назар аст.

Ба иттилои Федератсияи бокси Тоҷикистон, ҷумҳурии моро дар ин мусобиқаи бонфуз 4 варзишгар — Сумайя Қосимова (-48кг), Руҳафзо Ҳақназарова (-50кг), Миҷгона Самадова (-57кг) ва Шоира Зулқайнарова (-63кг) намояндагӣ мекунанд. Онҳоро дар ин сафар сармураббӣ Мирзо Шамсиев роҳбарӣ менамояд.

Қабл аз чемпионат варзишгарон дар Ҷумҳурии Узбекистон ба ҷамъомади машқӣ-таълимӣ фаро гирифта шуданд.

Чемпионати ҷаҳон аз рӯи 11 вазн сурат мегирад ва фонди ҷоизавии он 2,4 миллион долларро ташкил медиҳад. Дар ҳар вазн ғолибону ҷоизадорон ҳамон маблағеро мегиранд, ки мардҳо дар чемпионати ҷаҳон-2021 гирифта буданд:

Ҷои 1: 100000 доллари ИМА;

Ҷои 2: 50000 доллари ИМА;

Ҷои 3: 25000 доллари ИМА;

Ҷои 3: 25000 доллари ИМА.


Дар Чемпионати ҷаҳон оид ба бокс миёни бонувон Тоҷикистон як медал дорад. Соли 2012 дар Синхуандаои Чин варзишгари маъруфи кишвар Мавзуна Чориева медали биринҷӣ ба даст оварда буд.

Дар доираи чемпионат ҳамчунин Конгресси ғайринавбатии Ассотсиатсияи байналмилалии бокс баргузор мегардад, ки дар он президенти ассотсиатсия ва аъзои Шӯрои директорони ассотсиатсия интихоб мегарданд. Ба вазифаи президенти Ассотсиатсияи байналмилалии бокс номзадии ду нафар – Умар Кремлев (Русия) ва Борис ван дер Ворст (Нидерланд) пешниҳод шудаанд.

АКС: КМО Тоҷикистон

Май 4, 2022 09:04

Хабарҳои дигари ин бахш

МУСОБИҚАИ УЕФА. Дастаи мунтахаби Тоҷикистон (U-16) аз дастаи Македонияи Шимолӣ дар силсилазарбаҳои пеналтӣ шикаст хӯрд
ФУТБОЛ. «Равшан» ва «Регар-ТадАЗ» дар даври панҷуми Чемпионати Тоҷикистон миёни дастаҳои Лигаи олӣ ғолиб омаданд
ПАРИЖ-2024: рақси варзишӣ ё брекданс бори аввал ба барномаи Бозиҳои олимпӣ ворид гардид
ПАРИЖ-2024: дар намуди бокс 248 варзишгар аз рӯи 13 вазн иштирок мекунанд
Имсол Чемпионати ҷаҳон оид ба самбо дар Қирғизистон баргузор мегардад
Довари канории бозии «Равшан»-и Кӯлоб – «Равшан»-и Зафаробод аз ҳаққи доварӣ маҳрум карда шуд
Дарвозабон Рустам Ятимов беҳтарин бозингари вохӯрии дастаҳои «Истиқлол» ва «Шарҷа» дониста шуд
ЛИГАИ ЧЕМПИОНҲОИ КФО. «Истиқлол» дар бозии охирин бар дастаи «Шарҷа» ғолиб омад
Sputnik: Путин ба варзишгарони Тоҷикистон баҳои баланд дод
ФУТБОЛ. Замони баргузории бозиҳои даври панҷуми Чемпионати Тоҷикистон дар Лигаи олӣ муайян шуд
Носир Бозор сармураббии дастаи мунтахаби дзюдои бонувони Тоҷикистон интихоб гардид
ТАРТИБИ ИНТИХОБИ МУСОБИҚОТИ «ПАРИЖ-2024» ТАСДИҚ ШУД. 17 варзишгари Тоҷикистон аз кумакҳои молии олимпӣ бархӯрдор мешаванд