Бозиҳои Осиё-2022 ба таъхир афтода, Бозиҳои Осиёии наврасон-2021 барҳам хӯрданд

Май 9, 2022 09:01

ДУШАНБЕ, 09.05.2022 /АМИТ «Ховар»/. Бозиҳои 19-уми Осиё — Ҳангжоу-2022 ба далели аз байн нарафтани вазъи пандемия дар Чин ба таъхир афтоданд. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.

Қарор буд, ки бозиҳо аз 10 то 25 сентябри имсол дар Ҳангжоуи Чин баргузор шаванд.

Қарор дар бораи мавқуф гузоштани бозиҳо пас аз муҳокимаҳои муфассал бо Кумитаи олимпии Чин ва Кумитаи тадорукоти Ҳангжоу-2022 (HAGOC) 6 май дар ҷаласаи Кумитаи иҷроияи Шӯрои олимпии Осиё (ОСА) қабул шуд.

Бозиҳои осиёии наврасон, ки қарор буд аз 20 то 28 декабри соли ҷорӣ дар шаҳри Шантоуи Чин баргузор шаванд, лағв гардид.

Дар айни замон дар Чин пандемияи COVID-19 аз байн нарафтааст, ки ин сабаби асосии ба таъхир гузоштани Бозиҳои 19-уми Осиё гардид.

Тибқи қарори OCA, ном ва нишони Ҳангжоу-2022 сарфи назар аз таъхир бетағйир боқӣ мемонад. Санаҳои нави чорабинӣ ҳанӯз бо OCA мувофиқа карда нашудаанд, Кумитаи олимпии Чин ва HAGOC дар ин бора ояндаи наздик қарор қабул хоҳанд кард.

Бозиҳои осиёии наврасон – Шантоу-2021 дар ибтидо аз 20 то 28 ноябри соли 2021 ба нақша гирифта шуда буданд, вале ба далели COVID-19 ба моҳи декабри соли ҷорӣ мавқуф гузошта шуданд. Пас аз муҳокима бо Кумитаи олимпии Чин ва Кумитаи тадорукот Кумитаи иҷроия OCA тасмим гирифт, ки азбаски Бозиҳои осиёии наврасон аллакай як маротиба ба таъхир гузошта шуда буданд, лағв карда шаванд.

Бозиҳои навбатии осиёии наврасон бояд соли 2025 дар Тошканди Узбекистон баргузор шаванд. Чорабинӣ аз соли 2013, вақте ки Нанҷинг мизбон буд, баргузор нашудааст.

АКС: КМО Тоҷикистон

Май 9, 2022 09:01

Хабарҳои дигари ин бахш

ПАРИЖ-2024. Аз ҳар кумитаи олимпӣ 16 нафар имкони иштирок дар Бозиҳои олимпиро доранд
СУПЕРҶОМИ ТОҶИКИСТОН-2022. Имрӯз бозии «Истиқлол» ва «Хуҷанд» барои дарёфти Ҷом баргузор мегардад
ФУТБОЛ. Дар Душанбе Чемпионати CAFA миёни наврасони то 16-сола баргузор мешавад
Президенти Федератсияи футболи Тоҷикистон Рустами Эмомалӣ бо президенти Конфедератсияи футболи Осиё мулоқот намуданд
БОКС. Имрӯз дар шаҳри Истанбул Чемпионати ҷаҳон миёни бонувон оғоз мешавад
ЧЕМПИОНАТИ ОСИЁ ОИД БА АРМРЕСТЛИНГ. Варзишгари тоҷик Фируз Шамсуддинов бо медали тилло ба Ватан баргашт
СУПЕРҶОМИ ТОҶИКИСТОН-2022. То оғози бозӣ миёни дастаҳои «Истиқлол» ва «Хуҷанд» ду рӯз монд
ФУТБОЛ. Замони баргузории бозиҳои даври шашуми Чемпионати Тоҷикистон дар Лигаи олӣ муайян гардид
МУСОБИҚАИ РУШДИ УЕФА. Дастаи мунтахаби наврасони Тоҷикистон (U-16) бар дастаи Гондурас пирӯз гардид
Президенти Конфедератсияи футболи Осиё бо сафари корӣ ба Тоҷикистон омад
Фирӯз Мирзораҷабов дар мусобиқаи байналмилалӣ дар Қазоқистон соҳиби медали нуқра гардид
ГӮШТИНИ ЮНОНӢ-РИМӢ. Варзишгарони тоҷик дар мусобиқаи байналмилалӣ дар Қазоқистон ширкат доранд