Дар донишгоҳҳои Туркия фарҳанги бойи Тоҷикистон ба хориҷиён муаррифӣ шуд
ДУШАНБЕ, 12.05.2022 /АМИТ «Ховар»/. Ҳамасола бо дастгирии Сафорати Ҷумҳурии Тоҷикистон дар Анқара ва Консулгарии генералӣ дар шаҳри Истанбул донишҷӯёни тоҷики муқими Туркия дар донишгоҳҳои худ фарҳанги бойи Тоҷикистонро ба хориҷиён муарифӣ менамоянд. Имсол 10 ва 11 май дар Донишгоҳи Абант Иззет Байсали шаҳри Болу, Донишгоҳи Гелишими шаҳри Истанбул ва Донишгоҳи Ҳаҷеттепеи шаҳри Анқара рӯзҳои фарҳанги донишҷӯёни байналмилалӣ ҷашн гирифта шуданд, ки дар он донишҷӯёни тоҷик низ ширкат варзида, бо дастархону ашёи миллӣ диққати хориҷиёнро ба фарҳанги қадимӣ ва бойи Тоҷикистон ҷалб намуданд, хабар медиҳад мухбири АМИТ «Ховар» Манижа МАҚСУД.
Аз ҷониби донишҷӯёни тоҷик, ки дар донишгоҳи Абант Иззет Байсали шаҳри Болу таҳсил мекунанд, ба ректори донишгоҳ Мустафа Алишарли китоби таърих ва фарҳанги миллии тоҷик тақдим гардид.
Қобили зикр аст, ки дар ин намоиш 2800 нафар донишҷӯён аз 82 кишвари ҷаҳон иштирок намуда, фарҳанг, таърих, санъати дастӣ, ғизо ва дигар ашёи миллии худро ба меҳмонон ва иштирокчиён пешкаш намуданд.
Дар Донишгоҳи Гелишими шаҳри Истанбул гӯшаи фарҳангӣ аз ҷониби донишҷӯёни тоҷик бо дастгириҳои Консулгарии генералӣ ташкил карда шуд, ки дар он либосҳои миллӣ, Парчами миллӣ, сангҳои қиматбаҳо ва ғайра манзур гардиданд, то шаҳрвандон ва донишҷӯёни байналмилалӣ аз фарҳанги Тоҷикистон дидан намоянд.
АКС: АМИТ «Ховар»
Рӯзи фарҳанги шаҳри Левакант дар фазои идона баргузор гардид
Дар Рӯзи фарҳанги шаҳри Хуҷанд дастовардҳои шаҳр муаррифӣ карда шуданд
Имрӯз дар Душанбе Рӯзи фарҳанги ноҳияи Темурмалик доир гардид
«МӮҚАЛАМЕ, КИ ТАЪРИХРО ТАҶАССУМ НАМУДААСТ». Дар Осорхонаи миллии Тоҷикистон намоиши асарҳои Ашур Ҳайдаров ифтитоҳ ёфт
Дар пойтахт рӯзҳои фарҳанги шаҳри Хуҷанд, Левакант ва ноҳияи Темурмалик доир мегардад
Дар Рӯзи фарҳанги ноҳияи Абдураҳмони Ҷомӣ ҳунарҳои мардумӣ ва маҳсулоти кишоварзӣ пешниҳод гардиданд
Дар Душанбе Рӯзи фарҳанги ноҳияи Зафаробод баргузор шуд
Дар Рӯзи фарҳанги шаҳри Кӯлоб аз маҳсулоти кишоварзӣ то ҳунарҳои мардумии сокинон муаррифӣ гардид
Имрӯз дар Душанбе рӯзҳои фарҳанги шаҳри Кӯлоб ва ноҳияҳои Зафарободу Абдураҳмони Ҷомӣ баргузор мегарданд
Ҳамкории Китобхонаи миллии Тоҷикистон ва Донишгоҳи Ҳанкуки Кореяи Ҷанубӣ густариш меёбад
Дар Душанбе рӯзҳои фарҳанги шаҳрҳои Кӯлоб, Хуҷанд, Левакант ва ноҳияҳои Зафаробод, Абдураҳмони Ҷомӣ ва Темурмалик доир мегарданд
Моҳи октябр дар Душанбе сеюмин Синамоҷашнвораи миллии «Тоҷи Сомон» баргузор мешавад
