Дар ноҳияи Фирдавсии шаҳри Душанбе сафи ташкилоти ибтидоии Ҳизби Халқии Демократии Тоҷикистон меафзояд

Май 24, 2022 09:43

ДУШАНБЕ, 24.05.2022 /АМИТ «Ховар»/. Дар ноҳияи Фирдавсии шаҳри Душанбе моҳи майи имсол чор ташкилоти ибтидоии ҳизбӣ таъсис дода шуданд. Дар ин бора  мудири шуъбаи таблиғот ва иттилооти КИ ҲХДТ дар ноҳияи Фирдавсӣ Муслим Усмонзода ба АМИТ “Ховар” хабар дод.

11 май  дар ҶДММ “Тоҷиквнештранс” ва ҶДММ “Нашриёти муосир” маҷлиси муассисон баргузор гардида, ташкилоти ибтидоии Ҳизби Халқии Демократии Тоҷикистон бо номи “Роҳи умед” ва “Нашриёти муосир” таъсис дода шуданд. 23 май дар Муассисаи давлатии “Маркази ҷумҳуриявии ғизо” ва Гимназияи хусусии “Ҳамадон” маҷлиси муассисон баргузор гардида, ташкилоти ибтидоии ҳизбии “Ғизои солим” ва “Ҳамадон” таъсис дода шуданд.

Зимни баргузории маҷлиси муассисони ташкилоти ибтидоии ҳизбӣ роҳбарияти Кумитаи иҷроияи ҳизб дар ноҳияи Фирдавсӣ иштирок намуда, вобаста ба мақсаду маром ва ҷойгоҳи Ҳизби Халқи Демократии Тоҷикистон дар ҷомеаи навини кишвар ибрози андеша намуданд. Ташкилоти ибтидоӣ асоси ҳизб маҳсуб ёфта, барномаҳои ҳизбӣ тавассути онҳо татбиқ карда мешаванд.

Таъсиси ташкилоти ибтидоии ҳизбӣ дар корхонаю муассисаҳо, новобаста ба шакли моликияташон далели боз ҳам мустаҳкам гардидани обрӯ ва мавқеи Ҳизби Халқии Демократии Тоҷикистон дар ҷомеаи шаҳрвандӣ ба шумор меравад.

Ҳизби Халқии Демократии Тоҷикистон зери роҳбарии Асосгузори сулҳу ваҳдати миллӣ-Пешвои миллат, Президенти кишвар муҳтарам Эмомалӣ Раҳмон ҳамчун ниҳоди бонуфузи ҷомеаи шаҳрвандӣ дар амалишавии ормонҳои мардум нақши калидӣ дошта, бо татбиқи барномаҳои фарогираш обрӯ ва нуфузаш рӯз аз рӯз зиёд гардида, дар сафҳои он зиёда аз ним миллион нафар аъзо муттаҳид гардидаанд.

Рисолати аслии ин ниҳоди сиёсӣ аз ҳифзи ҳуқуқу озодиҳои инсон ва шаҳрванд, ташаккули ҷомеаи шаҳрвандӣ, саҳм гузоштан дар рушду пешрафти ватани азизамон тавассути аъзою ҷонибдорон ва ҳимояи манфиатҳои миллӣ иборат мебошад.

 АКС: КИ ҲХДТ дар н. Фирдавсӣ

Май 24, 2022 09:43

Хабарҳои дигари ин бахш

Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт
Дар Донишгоҳи техникии Тоҷикистон вобаста ба меъморӣ ва шаҳрсозӣ конференсияи илмӣ-амалӣ доир шуд
Насби пойгоҳи базавӣ чӣ қадар арзиш дорад?
Тоҷикистон ва Узбекистон татбиқи лоиҳаҳои манфиатбахши муштаракро баррасӣ намуданд
Имрӯз дар Тоҷикистон ҳавои тағйирёбанда мешавад
ҚУРБИ АСЪОР: дар Тоҷикистон 1 рубли русӣ аз 0. 1185 то 0.1205 сомонӣ муқаррар шудааст