Дар ноҳияи Сангвор Рӯзи байналмилалии оила ва Фестивали ҷумҳуриявии «Сад ранги чакан» доир гардид
САНГВОР, 14.05.2022 /АМИТ «Ховар»/. Дар Қасри фарҳанги ноҳияи Сангвор Рӯзи байналмилалии оила ва Фестивали ҷумҳуриявии «Сад ранги чакан» таҷлил гардид, хабар доданд дар Мақомоти иҷроияи ҳокимияти давлатии ноҳияи Сангвор ба мухбири минтақавии АМИТ «Ховар» Субҳониддини МАҲМУД.
Мудири бахши Сабти асноди ҳолати шаҳрвандии ноҳияи Сангвор Мижгона Нордонаева иброз намуд, ки «танҳо оила метавонад ба аҳли хонавода, махсусан фарзандон беҳтарин арзишҳои маънавӣ, ахлоқӣ, иҷтимоӣ ва хонаводагиро ба мисли тарбия, омӯхтани забон ва гуфтору рафтори накӯ, таъриху фарҳанг, донишҳои муосир, ватандӯстиву ватанпарварӣ, инсондӯстӣ, худшиносӣ ва хайру саодат таълим диҳад. Бахши САҲШ-и ноҳия дар ҳамкорӣ бо Мақомоти иҷроияи ҳокимияти давлатии ноҳияи Сангвор дар ин рӯзи хурсандӣ ба як ҷуфт навхонадорон шаҳодатномаи ақди никоҳ ва ба 3 нафар кӯдакони навзод аз оилаҳои камбизоат мувофиқи муроҷиати волидайнашон шаҳодатномаи таваллуди ройгон тақдим намуда, ба оилаҳои намунавии ноҳия туҳфаҳои хотиравӣ супорид».
Дар Фестивали ҷумҳуриявии «Сад ранги чакан» гулдухтарони ноҳия фаъолона иштирок намуда, дӯхти либосҳои гуногуни мардумии чаканро намоиш доданд. Дар намоишгоҳ намунаҳои сершумори ин санъати бостонии тоҷикон, аз қабили либосу лавозимоти рӯзгор-курта, сӯзанӣ, болишт, зардеворӣ, тоқӣ, гаҳворапӯш ба маърази тамошо гузошта шуданд.
Зикр гардид, ки чакан як навъи гулдӯзии миллӣ дар матоъҳои пахтагӣ ва абрешимист, ки бештар миёни занону духтарони тоҷик ривоҷ ёфтааст. Аз ин рӯ бо мақсади ташвиқу тарғиби анъанаҳои неки ниёгон, муаррифии фарҳангу ҳунари волои халқи тоҷик ҳамасола дар мамлакат ҷашнвораҳои бошукӯҳи байналмилалӣ, фестивалу озмунҳои ҷумҳуриявӣ, конфронсу симпозиумҳо ва дигар тадбирҳо амалӣ карда мешаванд.
Баргузории даври ноҳиявии Фестивали «Сад ранги чакан» низ яке аз тадбирҳои асили гиромидошти арзишҳои фарҳангӣ буда, ҳадафи он баланд бардоштани эҳсоси ватандӯстиву хештаншиносӣ, ифтихори ватандорӣ, арҷ гузоштан ба таъриху тамаддун, фарҳангу адабиёт, расму оинҳои миллию мардумӣ ва ба ин васила муаррифии санъату ҳунари волои халқи тоҷик мебошад.
АКС: МИҲД н. Сангвор
Нақши тоҷикон дар ташаккул ва рушди Роҳи бузурги Абрешим дар Душанбе баррасӣ шуд
«ДУРАХШИ АХТАРОН: ҶОМӢ ВА НАВОӢ». «Тоҷикфилм» ва «Узбекфилм» санҷиши видеоии ҳунарпешаҳоро барои ин филм оғоз намуданд
«ТОҶИКИСТОН-ВАТАНИ АЗИЗИ МАН». Аз 25 то 30 сентябр даври сеюми озмуни ҷумҳуриявӣ баргузор мегардад
Дар Осорхонаи миллии Тоҷикистон доир ба ҳунарҳои мардумӣ намоиш баргузор мегардад
«ОЗАР». Дар Тоҷикистон бори аввал Фестивали байналмилалии ҳунармандӣ баргузор мегардад
«ҚАДРШИНОСИИ ҲУНАРИ АСИЛ». Дар Душанбе Синамоҷоизаи дуюми миллии «Тоҷи Сомон» доир мегардад
«ТОҶИКОН ДАР ОИНАИ ТАЪРИХ. АЗ ОРИЁН ТО СОМОНИЁН». Ин асари таърихии Пешвои миллат бо забони кореягӣ рӯнамоӣ гардид
«ОБУ НОНАМ, ҶИСМУ ҶОНАМ, ОРМОНАМ, ТОҶИКИСТОН!». Ду шеъри шоир Камол Насрулло эҳдо ба 33-солагии Истиқлолияти давлатии Тоҷикистон
ИСТИҚЛОЛИЯТИ ДАВЛАТӢ. Он барои миллати тоҷик эҳёи навин, ҳосили хиради зотӣ ва подоши сазовори таърихӣ мебошад
«ЗИ ДУРИИ ЗАМОНАҲО РАСИДАЕМ…». Имрӯз аз қабули Суруди миллии Тоҷикистон 30 сол сипарӣ мегардад
Китоби «Қонуни тиб»-и Абуалӣ ибни Сино барандаи Шоҳҷоизаи озмуни байналмилалӣ шуд
Ба китобхонаи вилоятии Хатлон 1000 китоб тақдим гардид
