Дар Норак ҷаласаи Шӯрои кор бо ҷавонони назди Раиси шаҳр доир гардид

Май 20, 2022 11:00

НОРАК, 20.05.2022. /АМИТ «Ховар»/. 19 май дар шаҳри Нораки вилояти Хатлон бахшида ба Рӯзи ҷавонони Тоҷикистон, ки ҳамасола 23 май таҷлил мегардад, ҷаласаи Шӯрои кор бо ҷавонони назди Раиси шаҳр баргузор шуд, иттилоъ доданд дар Мақомоти иҷроияи ҳокимияти давлатии шаҳр ба АМИТ «Ховар».

Дар кори шӯро ду масъала мавриди баррасӣ қарор гирифта, ҳозирин аз рӯи масъалаҳои пешниҳодгардида фикру мулоҳизаҳои хешро иброз доштанд.

Муовини Раиси шаҳр Шаҳло Ҳасанзода бобати тақвият бахшидани фаъолият дар бахши кор бо ҷавонон ва варзиши шаҳр ва дастгирии сиёсати давлатии ҷавонон сухан гуфт. Мавсуф зикр намуд, ки «ҷавонон ҳамчун захира ва қувваи асосии меҳнатӣ ва сармояи афзалиятноки инсонӣ дар рушди мамлакат ва баланд бардоштани иқтисодиёти он нақши назаррас доранд. Дар ҷомеаи имрӯза дар кори пешбурди соҳаҳои мухталиф мавқеи ҷавонон хеле муҳим аст. Зеро ин қишри ҷомеа дорои афкори тозаю нав буда, неруи муҳими пешбарандаи ҷомеа маҳсуб мешавад».

Зимни ҷаласаи Шӯрои кор бо ҷавонони назди Раиси шаҳри Норак иштирокчиён — ҷавонон аз дастгириҳои пайвастаи давлату ҳукумати ҷумҳурӣ изҳори миннатдорӣ намуда, қавл доданд, ки дар оянда ба халқу Ватан содиқона хизмат менамоянд.

Дар ҷараёни ҷаласа муовини Раиси шаҳр, аъзои шӯро, гирандагони стипендияҳои президентӣ, мудирони шуъбаву бахшҳои мақомоти иҷроияи ҳокимияти давлатии шаҳр ва роҳбарони сохторҳову муассисаҳо ширкат варзиданд.

Ёдовар мешавем, ки шурӯъ аз 23 майи соли 1997 ҳамасола дар Тоҷикистон Рӯзи ҷавонон таҷлил мегардад. 23 майи соли 1997 Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо намояндагони ҷавони Тоҷикистон мулоқот намуда, Фармон «Оид ба баъзе масъалаҳои беҳтар кардани кор бо ҷавонон»-ро ба имзо расониданд ва маҳз ҳамин рӯзи таърихӣ сабаб шуд, ки 23 май Рӯзи ҷавонон эълон гардад.

АКС: Мақомоти иҷроияи ҳокимияти давлатии шаҳри Норак

Май 20, 2022 11:00

Хабарҳои дигари ин бахш

«КОРВОНИ ЗИДДИМУХАДДИРОТӢ — 2023». Дар Кӯлоб зимни баргузории ин чорабинӣ наврасонро аз оқибати фоҷеабори истифодаи маводи нашъаовар огоҳ намуданд
16 СОЛИ ПУР АЗ МАНФИАТ. Танзими анъана ва ҷашну маросим дар Ҷумҳурии Тоҷикистон ва муҳимияти он дар зиндагии сокинон
ҲАНГОМИ ҲАРОРАТИ БАЛАНДИ ҲАВО СОЛИМИРО ЧӢ ТАВР БОЯД ҲИФЗ КАРД? Вазорати тандурустӣ ва ҳифзи иҷтимоии аҳолии Тоҷикистон тавсия медиҳад
ОМОДАГӢ БА ЗИМИСТОН. Дар Хатлон масъулин вазифадор гардидаанд, ки то 1 октябр корҳоро дар ин самт ба анҷом расонанд
Аз 6 то 9 июн гурӯҳҳои таблиғотӣ дар шаҳру ноҳияҳои Хатлон бо сокинон суҳбату вохӯриҳо доир менамоянд
МАРҲАБО, ТОБИСТОН! Чӣ бояд кард, то истироҳати кӯдакону наврасон хотирмону босамар гузарад?
Эҳтиёт бошед! Дар Тоҷикистон гармшавии беш аз 40 дараҷаи ҳаво дар назар аст
Дар Душанбе бахшида ба Рӯзи умумиҷаҳонии гурезаҳо ҳамоиш доир гардид
МАВСИМИ ОББОЗӢ. Дар ин мавзуъ дар Коллеҷи тиббии шаҳри Хоруғ корҳои фаҳмондадиҳӣ гузаронида шуд
«ҲУНАР ОМӮЗ…». Ғолибону ҷоизадорони даври ҷумҳуриявии озмун қадрдонӣ карда шуданд
Шуъбаҳои таваллудхона ва ҷарроҳии Беморхонаи марказии ноҳияи Темурмалик навсозӣ мешавад
«БОНУИ ҲУНАР». Тавассути он 60 зану ҷавондухтар аз оилаҳои ниёзманд соҳиби касб мешаванд