ФУТБОЛ. Мавсими нави чемпионати Тоҷикистон миёни дастаҳои занона 5 июн оғоз мешавад

Май 31, 2022 16:11

ДУШАНБЕ, 31.05.2022 /АМИТ «Ховар»/. Дар қароргоҳи Федератсияи футболи Тоҷикистон маросими қуръакашии тақвими бозиҳои чемпионати панҷуми Тоҷикистон оид ба футбол миёни дастаҳои занона баргузор шуд.  Дар ин бора ба АМИТ «Ховар» дар Федератсияи футболи Тоҷикистон хабар доданд.

Дар мавсими нави лигаи занона 10 даста – «Зебонисо» (Душанбе), «Ситора» (Шаҳринав), «Суғд» (Суғд), «Бунҷикат» (Шаҳристон), «Конибодом» (Конибодом), «Хатлон» (Бохтар), «Ҳосилот» (Фархор), «Зебо» (Дӯстӣ), «Бешкент» (Носири Хусрав) ва Муассисаи давлатии Мактаби варзишии Кӯлоб (МДМВ) ширкат мекунанд.

Мавсими нави Лигаи футболи бонувони Тоҷикистон 5 июн оғоз шуда, дар ду давр баргузор мешавад ва дар он ҳар даста ҳам дар хона ва ҳам дар меҳмонӣ бозӣ мекунад. Дар маҷмӯъ, дастаҳо дар як мавсим 18- бозигӣ хоҳанд кард.

Тибқи анъана, Федератсияи футболи Тоҷикистон барои дастаҳои занона либосҳои варзишӣ, тӯб ва пойафзол пешниҳод мекунад. Инчунин ҳаққи музди доварон, роҳкиро ва буду боши дастаҳоро дар бозиҳои сафарӣ федератсия пардохт мекунад.

Чемпионати Тоҷикистон-2022 миёни дастаҳои занона

Даври 1

5 июн (якшанбе)

Оғоз – соати 9:00

«Конибодам» (Конибодом) – «Ҳосилот» (Фархор)

«Зебо» (Дӯстӣ) – «Суғд» (Суғд)

«Ситора» (Шаҳринав) – «Зебонисо» (Душанбе)

«Хатлон» (Бохтар) – МДМВ (Кӯлоб)

«Бунҷикат» (Шаҳристон) – «Бешкент» (Носири Хусрав)

Даври 2

12 июн (якшанбе)

Оғоз – соати 9:00

«Ҳосилот» (Фархор) – «Бешкент» (Носири Хусрав)

МДМВ (Кӯлоб) – «Бунҷикат» (Шаҳристон)

«Зебонисо» (Душанбе) – «Хатлон» (Бохтар)

«Суғд» (Суғд) – «Ситора» (Шаҳринав)

«Конибодом» (Конибодом) – «Зебо» (Дӯстӣ)

Акс: ФФТ

Май 31, 2022 16:11

Хабарҳои дигари ин бахш

Доварони Тоҷикистон бозиҳои интихобии Ҷоми ҷаҳон-2026-ро ҳакамӣ менамоянд
Бозиҳои дастаи мунтахаби Тоҷикистонро бо Арабистони Саудӣ доварон аз Сингапур ва Кореяи Ҷанубӣ ҳакамӣ менамоянд
«TASHKENT GRAND SLAM 2024». Дастаи мунтахаби Тоҷикистон оид ба ҷудо бо 1 медали тилло дар ҷойи сеюм қарор дорад
«TASHKENT GRAND SLAM». Варзишгари Тоҷикистон Эмомалӣ Нуралӣ медали тилло ба даст овард
«TASHKENT GRAND SLAM». Ҷудочии тоҷик Эмомалӣ Нуралӣ ба даври финалӣ баромад
Дастаи мунтахаби Тоҷикистон оид ба бокс барои гирифтани роҳхати олимпӣ ба Италия меравад
Дастаи мунтахаби Тоҷикистон оид ба футзал бо тими миллии Арабистони Саудӣ ду бозии санҷишӣ анҷом дод
Дар Душанбе ҷаласаи якуми кумитаи иҷроияи Федератсияи футболи Тоҷикистон дар соли 2024 доир шуд
Дастаи чавгонбозони Тоҷикистон дар Чемпионати Осиёи Марказӣ оид ба чавгонбозӣ дар ҷойи дуюм қарор дорад
РӮЗИ ҶАҲОНИИ ФУТБОЛ. Ҷавонону варзишгарони Истаравшан ин пешниҳодро ҷонибдорӣ менамоянд
ФУТБОЛ. Дастаи мунтахаби олимпии Тоҷикистон (U-23) бо дастаи Ветнам бозиҳои дӯстона баргузор менамояд
САЙРИ ҶАҲОНИИ ҶУДО. Шаҳри Душанбе мизбони «Grand Slam» мегардад