Имсол Чемпионати ҷаҳон оид ба самбо дар Қирғизистон баргузор мегардад
ДУШАНБЕ, 01.05.2022 /АМИТ «Ховар»/. Чемпионати ҷаҳон оид ба самбо -2022 имсол дар шаҳри Бишкеки Ҷумҳурии Қирғизистон ва Чемпионати ҷаҳон оид ба самбо миёни наврасон дар Еревани Арманистон баргузор мешаванд, хабар дод ба шореҳи варзиши АМИТ «Ховар» корманди Кумитаи кор бо ҷавонон ва варзиши назди Ҳукумати Ҷумҳурии Тоҷикистон Ҳалимҷон Набизода.
Пас аз баррасии пешниҳодҳои кишварҳои довталаб барои мизбонии Чемпионати ҷаҳон дархости Федератсияи самбои Ҷумҳурии Қирғизистон аз ҷониби аъзои Кумитаи иҷроияи ФИАС ҷонибдорӣ шуд.
Мусобиқа дар шаҳри Бишкек аз 11 то 13 ноябр баргузор мегардад.
Ҳамчунин Чемпионати ҷаҳон оид ба самбо миёни наврасон бо қарори аъзои Кумитаи иҷроияи ФИАС дар шаҳри Еревани Арманистон аз 14 то 16 октябри соли равон доир мешавад.
Ёдовар мешавем, ки дар ин риштаи варзиш дастовардҳои варзишгарони тоҷик назаррас аст.
Акмалиддин Каримов соли 2021 нафари панҷум аст, ки дар замони соҳибистиқлолии кишвар дар намуди самбо ба дарёфти унвони чемпиони ҷаҳон шарафёб шуд. Соли 2005 Сайриддин Икромов, соли 2009 Эраҷ Раҳимов дар самбои размӣ, соли 2017 Беҳрӯз Хоҷазода ва соли 2018 Хушқадам Хусравов дар самбои варзишӣ чемпиони ҷаҳон шуда буданд.
Самбочиёни тоҷик аз соли 1993 дар Чемпионати ҷаҳон иштирок мекунанд ва то имрӯз 48 медал – 5 тилло, 16 нуқра ва 27 биринҷӣ ба даст овардаанд.
АКС аз манбаъҳои боз
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
