МУСОБИҚАИ УЕФА. Дастаи мунтахаби Тоҷикистон (U-16) аз дастаи Македонияи Шимолӣ дар силсилазарбаҳои пеналтӣ шикаст хӯрд

Май 4, 2022 09:20

ДУШАНБЕ, 04.05.2022 /АМИТ «Ховар»/. Дар бозии якуми Мусобиқаи байналмилалии рушди УЕФА дар Скопйе дастаи мунтахаби наврасони Тоҷикистон (U-16) оид ба футбол бо ҳамсолони худ аз Македонияи Шимолӣ ба майдон баромад. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Вақти асосии вохӯрӣ мусовӣ – 3:3 анҷом ёфт. Аз ҳайати дастаи мунтахаби мо Билол Бобоев муаллифи дубл шуда, Масрур Ғафуров як голро ба нишон расонид.

Тибқи низомномаи мусобиқот, дар сурати мусовӣ ғолиб аз рӯйи зарбаҳои пеналтӣ муайян карда мешавад. Дар силсилаи зарбаҳои 11- метра бахт ба рӯйи Македонияи Шимолӣ хандид – 5:4.

Дар даври дувуми Мусобиқаи байналмилалии рушди УЕФА дар Скопйе дастаи мунтахаби Тоҷикистон (U-16) 5 май бо дастаи Гондурас вомехӯрад. Бозӣ соати 19:00 ба вақти Душанбе оғоз мешавад.

Мусобиқаи байналмилалии рушди УЕФА байни дастаҳои наврасон (U-16)

Даври 1

Македонияи Шимолӣ – ТОҶИКИСТОН – 3:3. Аз рӯи силсилаи пеналтӣ – 5:4

Голҳои Тоҷикистон: Билол Бобоев (2), Масрур Ғафуров.

19:00 – Косово – Гондурас

Даври 2

5 май (панҷшанбе)

19:00 – Гондурас – ТОҶИКИСТОН

19:00 – Македонияи Шимолӣ – Косово

Даври 3-юм

8 май (якшанбе)

14:00 – Македонияи Шимолӣ – Гондурас

20:00 – ТОҶИКИСТОН – Косово

Эзоҳ: Оғози бозиҳо ба вақти Душанбе аст.

Акс: ФФТ

Май 4, 2022 09:20

Хабарҳои дигари ин бахш

Рақибони дастаи мунтахаби Тоҷикистон оид ба футзал дар Бозиҳои ҳамбастагии исломӣ-2025 муайян гардиданд
Имрӯз «Регар-ТадАЗ» аввалин бозиро дар марҳилаи гурӯҳии Лигаи даъвати КФО-2025/26 баргузор мекунад
Дастаи мунтахаби наврасони Тоҷикистон (U-17) оид ба футбол дар бозии санҷишӣ бо Каледонияи Нав ҳисобро мусовӣ кард
«Регар-ТадАЗ» барои иштирок дар марҳилаи гурӯҳии Лигаи даъвати КФО-2025/26 ба Бишкек сафар кард
Дар шаҳри Хуҷанд Чемпионати Тоҷикистон оид ба бокс ҷамъбаст гардид
Довталабони иҷозатномаи «PRO» оид ба футбол таҷрибаомӯзиро дар дастаи миллии Тоҷикистон анҷом доданд
Дастаи мунтахаби наврасони Тоҷикистон (U-17) дар Амороти Муттаҳидаи Араб бозиҳои дӯстона анҷом медиҳад
«МегаФон Тоҷикистон» шарики кулли Ҷоми Тоҷикистон оид ба футзал гардид
Замони баргузории бозиҳои даври 19-уми Чемпионати Тоҷикистон байни дастаҳои Лигаи олӣ муайян шуд
ҶОМИ ОСИЁ-2027. Дастаи мунтахаби Тоҷикистон тими Малдивро мағлуб намуд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Малдив бозӣ мекунад
ҶОМИ ОСИЁ-2027. Дастаи мунтахаби Тоҷикистон барои баргузории бозӣ бо Малдив ба шаҳри Мале рафт